Stígum varlega til jarðar.

Ég vil taka það fram, að það gleður mig mjög að heyra þær fréttir að listin hafi talsverða vigt í hagkerfinu og skili miklum tekjum í ríkiskassann. Það er jákvætt að peningar séu á hreyfingu í samfélaginu.

En að halda því fram að skapandi greinar séu að koma í staðinn fyrir fiskveiðar og áliðnað, það tel ég vera of mikla bjartsýni um þessar mundir. En gott væri ef staðan væri sú, því mannsandinn býr yfir meira magni heldur en hinar auðlindirnar tvær, þótt hæpið sé kannski að segja að hann sé óþrjótandi.

Ekkert hefur komið fram, nema það hafi farið framhjá mér, að skapandi greinar séu að koma með meiri gjaldeyri til landsins heldur en áliðnaður og sjávarútvegur.

Vitanlega skiptir það alltaf mestu máli og ekki síst á tímum sem þessum að endurnýja fjármagnið, því peningar rýrna á meðan enginn endurnýjun verður.

Þess vegna er það stórhættulegt fyrir þjóðina að ætla á tímum sem þessum að fara að leggja meiri rækt við skapandi greinar heldur en þær sem standa undir mestu gjaldeyrisöfluninni.

Núna er mjög áríðandi að horfa til staðreynda og afla eins mikinn gjaldeyri og mögulegt er. Það á að vera ofar í forgangsröðinni heldur en menning og listir, þótt það megi vissulega ekki gleymast.

Athugasemdir

[Sigurður Grétar Guðmundsson, 2.12.2010 kl. 11:20]

Jón, líttu í eigin barm og stígðu varlega til jarðar. Þú hikar ekki viða að fara með rangt mál eins og Sigurjón formaður Frjálslyndra, en ég var einmitt að svara honum á hans bloggi. Samanburðurinn var við veiddan fisk og framlag landbúnaðar á Íslandi, þarna var hvergi minnst á áliðnað. Skýrt var tekið fram að í samanburðinum væri ekki takinn inn virðisauki vinnslustöðva fisvinnslu né landbúnaðarafurða, ekki borið saman við útfluttan sjávarafla eða smásölu landbúnaðarafurða.

[Jón Ríkharðsson, 2.12.2010 kl. 14:24]

Ég er alls ekki að fara með rangt mál Sigurður, heldur að túlka mína skoðun sem vafalaust hljómar ekki við þína.

Enda hefur fólk mismunandi skoðanir á hinum ýmsu málum.

Til að skerpa á áheyrslum mínum vil ég taka fram, að mér finnst villandi að tala um aðrar greinar en útflutningsgreinar sem burðarstoð atvinnulífsins. Engu að síður tel ég askapandi greinar sannarlega mikils virði eins og kom fram hjá mér í pistlinum fyrir ofan.

Villandi málflutningur að mínu mati er þegar þingmaður, eins og Skúli Helgason segir að skapandi greinar séu að koma í staðinn fyrir áliðnað. Það er erfitt að segja það beinlínis rangt, þótt ég sé ekki sammála því, en engionn veit framtíðina fyrir víst. En mér finnst þetta villandi málflutningur.

Þú hefur vissulega rétt á þínum skoðunum, en ég tel mig alls ekki hafa farið með rangt mál.

[Jón Ríkharðsson, 2.12.2010 kl. 14:36]

Burðarstoð efnahagslífsins átti þetta að vera, en ekki atvinnulífsins. Skapandi greinar geta verið burðarstoðir atvinnulífsins að sjálfsögðu.

[Jón Þorbjörnsson, 2.12.2010 kl. 15:07]

Tekjur af útfluttningi áls stefna í að verða 223 milljarðar á þessu ári. Amk 1/3 er innlendur kostnaður, þjónusta, laun og orka.

Það eru einhverjir sem halda að það sé nægilegt fyrir þessa þjóð að hekla og prjóna til að skapa hagvöxt.

Flottir pistlar hjá Bassanum (er nafnið dregið af röddinni eða  Nótabassi)

Kv 

[Jón Ríkharðsson, 2.12.2010 kl. 16:08]

Þakka þér fyrir nafni minn Þorbjörnsson, ég hef engu við þitt innlegg að bæta, ég er sammála því sem þú segir.

Þetta með Bassann, ég skal með ánægju svara því.

Þótt sumum finnist það ansi kyndugt sem þekkja mig, þá er ég ekki haldinn mikilli athyglisþörf, mér finnst ágætt að fá að vera í friði.

Þegar ég byrjaði að blogga mér til skemmtunar til að drepa tímann í landi, ákvað ég að nota viðurnefni mitt bassinn, sem komið er til vegna þess að mörgum finnst ég hafa djúpa og mikla rödd, þetta festist við mig. Ég hafði grun um að ég slyppi frekar við athygli ef ég kæmi ekki fram undir nafni.

Svo finnst mér óttalegur ræfildómur að koma ekki fram undir réttu nafni,mér fannst ég verða að geta axlað ábyrgð á mínum skrifum.

Þannig að ég setti inn mynd og fullt nafn, en náði ekki að kippa "bassanum" í burtu, enda má það alveg fylgja með.

[Jóna Kolbrún Garðarsdóttir, 3.12.2010 kl. 00:07]

Mér finnst að það ætti að lögleiða það að eingöngu fullunninn fiskur í neytendaumbúðum væri seldur frá Íslandi... 

[Jón Ríkharðsson, 3.12.2010 kl. 08:01]

Já Jóna mín, en þá stöndum við frammi fyrir einu vanda máli, en það eru tollarnir að mér skilst.