Hvað þykjast þessir menn eiginlega vera?

Jóhanna fyllist nú réttlátri reiði yfir afskiptasemi ríkisendurskoðunar, hæstiréttur er líka með eintóm leiðindi við kerlingarangann.

Skilja þessar stofnanir ekki að hún er alltaf að vinna samkvæmt sinni bestu vitund?

Þótt vitundin hennar sé ekki alveg kórrétt, þá er þetta þó allavega hennar vitund og það þurfa ekki allir að hafa eins vitund.

 

Hvaða leiðindi eru þetta í honum Guðlaugi að vera að spyrja út í Stefán Ólafsson, vita menn ekki að Stefán er prófessor og hefur fengið út hagstæðar niðurstöður fyrir þá sem þurfa að lifa af lágum launum?

Það er ekki hægt að gera allt hundrað prósent, þótt hún geti kannski ekki leiðrétt kjör landsmanna í raunveruleikanum, þá er það þó viðleitni að láta Stefán reikna og fólk getur þó allavega haft það gott á pappírum.

En það er erfitt að gera öllum til hæfis, svo kemur bara eitthvað leiðinda nöldur frá ríkisendurskoðanda.

Svarið var vitanlega vitlaust, en Ríkisendurskoðun skoðar svarið ekki eins og það er, gerir ráð fyrir að það eigi að vera rétt. Það eru náttúrulega kolvitlausar forsendur, því vitlaust svar ber að skoða sem vitlaust svar, ekki gefa sér þær forsendur að það hafi átt að vera rétt.

Hæstiréttur og Ríkisendurskoðun hengja sig alltaf í sömu smáatriðin, þessar stöðnuðu stofnanir ganga alltaf út frá þeirri forsendu að allt eigi að vera rétt, en hvaða máli skiptir það?

Jóhönnu hefur tekist það sem fáir töldu mögulegt fyrir nokkrum árum.

Henni hefur tekist að verða forsætisráðherra og hún hefur líka haldið Sjálfstæðisflokknum frá ríkisstjórn í tvö ár, það er nú afrek út af fyrir sig, hjá konu sem hefur ekkert vit á efnahagsmálum.

En stofnanamenn skilja ekki svona hluti.

Þeir eru hundleiðinlegir og heimta alltaf að allt sé rétt, ég skil Jóhönnu vel að vera svolítið örg þessa daga.

Sendi Ríkisendurskoðun leiðbeiningar

Athugasemdir

[Gísli Sigurðsson, 2.2.2011 kl. 21:34]

Já þetta eru nú meiri leiðindin sem kerlingaranginn þarf að ganga í gegnum. Ég held að hún ætti að leita ráða hjá DO hvernig maður leggur niður óþægilegar stofnanir. Ég veit að hann myndi veita þau ráð fyrir eitt orð.