Hún þekkir ekki sitt eigið hlutverk.

Aumingjans angans ræfillinn hún Jóhanna, það ætti einhver velviljaður einstaklingur að upplýsa hana um hvaða starfi hún gegnir.

Þekkt er með marga sem hafa gegnt ákveðnum hlutverkum lengi, að þeir eiga erfitt með að fóta sig í nýjum aðstæðum. Ég held að konugreyið átti sig ekki almennilega á því, að hún sé forsætisráðherra.

Í Kastljósviðtali fyrir nokkru síðan samsinnti hún því með stjórnanda þáttarins, að framganga bankanna væri ólíðandi, hún sá fréttir þess efnis í sjónvarpinu á dögunum.

Svo var hún sammála Guðlaugi Þór um tregðu stjórnkerfisins til upplýsingagjafar, en það var bara honum Davíð að kenna, hann setti lögin.

Vafalaust hefur eitthvað misskilið lögin, hún hefur ekki glöggt auga fyrir merkingum laga, en einhver hefði mát benda henni á, að hún gæti breytt lögunum því hún væri forsætisráðherra.

Fljótlega eftir að hún tók við embætti forsætisráðherra, þá sagði hún að enginn opinber starfsmaður ætti að hafa hærri laun en hún, enda hefur hún ágætis laun.

Stjórnendur bankanna hafa mikið hærri laun en hún, en fréttir þess efnis í fjölmiðlum virtust hafa farið framhjá henni, vesalings konunni.

En nú virðist hún hafa séð fréttirnar um laun bankastjóranna og þá sér hún að þetta eru siðlaus laun, miklu hærri laun en hún hefur nokkurn tíma haft.

Kannski myndi það bæta verk ríkisstjórnarinnar ef einhver góðviljaður einstaklingur, væri tilbúinn til að drekka með henni morgunkaffi daglega og fara yfir málin.

Viðkomandi þyrfti að byrja á að minna hana á að hún væri forsætisráðherra, svo væri hægt að lesa blöðin með henni og segja henni hvað væri að frétta af pólitíkinni osfr.

Hver veit nema að hún átti sig þá smátt og smátt á sinni stöðu og fæti að vinna samkvæmt því?

Engin réttlæting fyrir ofurlaunum

Athugasemdir

[corvus corax, 7.3.2011 kl. 13:15]

Að Jóhanna átti sig á stöðu sinni? Það verður aldrei. Að hún fari að vinna samkvæmt því? Ekki heldur.

[Jón Ríkharðsson, 7.3.2011 kl. 13:26]

Það má vera rétt hjá þér corvus, hún hefur allavega ekki gert mikið gagn síðan hún byrjaði á þingi árið 1978.

[Vera, 7.3.2011 kl. 13:42]

Aumingjans konan var þvinguð til starfans, við hverju bjuggust þið?

[Jón Ríkharðsson, 7.3.2011 kl. 13:53]

Vera mín, ég bjóst aldrei við neinu öðru en þessu, enda hef ég aldrei verið reiður út í Jóhönnu.

Það er nefnilega ekki venjan að reiðast út í eldinn sem eyðir öllu, heldur út í þá sem að kveiktu hann.

Ég held að heimskan hafi kveikt eldinn og það er ansi snúið að lögsækja hana.