Hvurslags fjármálastjórn er þetta eiginlega?

Þessi arfavitlausa ríkisstjórn sem náði að ljúga sig inn á landsmenn, með því að þykjast hugsa um velferð þjóðarinnar, er að slá met í rangri fjármálastjórn.

Hvernig er hægt að telja fólki trú um, að ekki sé hægt að halda uppi löggæslu í landinu og huga að viðunandi heilbrigðisþjónustu, á sama tíma og hægt er að fleygja hátt á annað hundrað milljörðum í ónýtar fjármálastofnanir, tryggingafélög og gagnslaust stjórnlagaþing, sem heitir víst stjórnlagaráð í dag, vegna þess að kosningarnar voru dæmdar ólöglegar.

Það eru til peningar til að borga Bretum og Hollendingum tugi milljarða og háar fjárhæðir til að fá þessa einkennilegu ósk sína uppfyllta, þá er átt við greiðslur til samninganefndarinnar sem fjármálaráðherra þorir ekki að gefa upp, vegna þess að hann er "gunga og drusla".

Það einkennilega er, að ennþá er til fólk, sem lifir eðlilegu lífi og hefur þegið ágæta skynsemi af skapara sínum í vöggugjöf, sem stendur í þeirri trú, að þetta sé nokkuð góð ríkisstjórn.

Það væri gaman að heyra hvað þetta fólk telur vera slæma ríkisstjórn, með þessu einkennilega viðmiði.

Athugasemdir

[Jóna Kolbrún Garðarsdóttir, 6.4.2011 kl. 00:59]

Þessi stjórn fylgir sömu fjármálastjórn og margar fyrrverandi stjórnir...  Það er óreiða í öllum fjármálum.... 

[Jón Ríkharðsson, 6.4.2011 kl. 01:15]

Það er reyndar rétt hjá þér Jóna Kolbrún, fjármálum hefur sjaldan verið vel stjórnað hér á landi.

En við hljótum að geta verið sammála um, að enginn ríkistjórn hefur staðið sig jafnilla og þessi, án þess að ég sé að réttlæta mistök og klúður annarra.

[Jóna Kolbrún Garðarsdóttir, 6.4.2011 kl. 01:18]

Sammála