Er Svavar Gestsson sá vitlausasti?

Ég minnist þess fyrir mörgum árum, þegar Svavar Gestsson var á fullu í pólitík, að þá var oft rætt um hversu gáfaður hann væri. Aldrei sá ég neitt sem benti til þess, en það reyndi ekki mikið á gáfurnar hjá honum því hann var lengst af í stjórnarandstöðu.

Þingmenn geta nefnilega blekkt almenning þegar þeir eru í stjórnarandstöðu, það eina sem þeir þurfa að gera, er að bölva sjálfstæðismönum og segja helst "íhaldið" með miklum þunga og vandlætingasvip.

Þá trúa margir því, að viðkomandi sé ógurlega gáfaður.

En eftir að hafa lesið pistilinn hans Svavars á heimasíðu hans um Icesave, þá hálfpartinn vorkenndi ég Jóhönnu ræflinum vegna þess, að Svavar er hættur á þingi.

Ef hann væri þar enn, þá væri Jóhanna ekki vitlausasti þingmaðurinn.

Maðurinn sem sagði í viðtali við Morgunblaðið eftir að hafa gert með mestu aulasamninga lýðveldisins, að ekki þyrfti að skera niður í velferðarkerfinu, hvorki að loka einni sjúkrastofu né heldur kennslustofu næstu sjö árin, er aldeilis ekki af baki dottinn.

Nú er hann að sannfæra sjálfan sig, með dyggri aðstoð Þórólfs Matthíassonar, að samningurinn hans hafi ekki verið verri heldur en sá sem á eftir kom.

Ætli þeir hafi ekki borið niðurstöðuna undir Stefán B. Ólafsson og Þorvald Gylfason, til þess að vera alveg vissir?

En hann endaði pistilinn nokkuð vel; "peningaleg rök jámegin dugðu ekki gegn sæmdarþorstanum neimegin".

Þar hitti hann reyndar naglann á höfuðið, sæmdin skiptir meira máli ásamt réttlætinu, heldur en tímabundið fjárhagslegt skjól, sem enginn veit hvers virði raunverulega er.

Ég hvet fólk til að lesa pistilinn hans, það er athyglisverð lesning.

 

Athugasemdir

[Vilhjálmur Stefánsson, 15.4.2011 kl. 00:05]

Ég held að hann slái Árna Jonsen við með heimsku.  

[Jón Ríkharðsson, 15.4.2011 kl. 00:37]

Það fer að verða ansi hörð samkeppni um titilinn "Heimskasti þingmaðurinn",

en það eru ansi margir um hituna Vilhjálmur minn.

Það verður spennandi að sjá hver sigrar að lokum.

[Eyjólfur G Svavarsson, 15.4.2011 kl. 01:01]

Svo er maðurinn bara svo latur, að eigin sögn.

[Jón Ríkharðsson, 15.4.2011 kl. 09:22]

Leti er nú yfirleitt kostur hjá vitleysingum Eyjólfur minn, hann gat heldur ekki betur að ég tel.

[Eyjólfur G Svavarsson, 15.4.2011 kl. 13:29]

Ættli það sé hægt að nema doctorsgráðu í þessu?Mér finnst að hann ætti nú að hafa hægt um sig, og láta sem minnst á sér bera!!!

[Jón Ríkharðsson, 15.4.2011 kl. 13:54]

Ég veit það svei mér ekki Eyjólfur minn.

Ég held að það sé ógurlega erfitt fyrir "meðalgreinda mannapa" eins og mig og fleiri, að nema svona heimsku.

Svo sé ég ekki tilganginn með því.

Þetta er oftast meðfætt og lýsir sér yfirleitt þannig, að viðkomandi upplifir sjálfan sig ógurlega gáfaðan.

Kannski ættu þeir sem finnst þeir vera ofurgreindir að hugsa sinn gang.