Sjálfstæðismenn vilja gagnsæi.

Þessi tillaga Kjartans Magnússonar sýnir enn og aftur þá viðleitni sjálfstæðismanna, að vilja hafa allt uppi á borðum, öfugt á við Samfylkinguna sem vill helst ekki birta neitt sem litið getur illa út fyrir þau.

Minna má á verk Geirs H. Haarde, þegar hann skipaði rannsóknarnefndina til að fara yfir störf ríkisstjórnar sinnar.

Þótt sumir andstæðingar flokksins reyni að klína öllu sem miður fer upp á hann, þá fer það ekki á milli mála, að enginn flokkur reynir eins mikið, að koma sannleikanum til skila.

Sjálfstæðismenn fóru með málefni OR í sinni borgarstjórnartíð, þannig að ef eitthvað vafasamt hefur verið gert af þeirra völdum, þá kemst það væntanlega upp. En ég efast um að þeir hafi nokkuð að fela.

Öllum stjórnmálamönnum getur orðið á að gera mistök og margir gera þau ansi slæm.

Það sýnir drengskap mikinn að vilja rannsaka eigin verk og leggja þau fyrir kjósendur, undanbragðalaust.

Ætli Sjálfstæðisflokkurinn sé ekki bara sá heiðarlegasti eftir allt, þrátt fyrir að vera ekki fullkominn.

Vill aflétta leynd af fundargerðum OR

Athugasemdir

[Óskar Helgi Helgason 25.4.2011 kl. 01:46]

Heill og sæll Jón minn; æfinlega !

Ekki; hugðist ég vilja verða, neitt sérstaklega andstyggilegur, í þinn garð, fornvinur góður, en,.................... hefðu þeir Lenín og Stalín ekki getað hafa sagt; hið sama, um Kommúnistaflokk Sovétríkjanna - eins og þú kveður að orði, í þínu niðurlagi, Jón minn.

Láttu ekki nokkurn mann; sjá svona á borð borið framar, af þinni hálfu, ágæti drengur.

Þú ert svo miklu skynsamari, en svo.

Með beztu kveðjum, sem jafnan /

Óskar Helgi Helgason 

 

[Sveinn R. Pálsson, 25.4.2011 kl. 07:03]

Góðan og blessaðan daginn, lesendur jafnt sem skrifarar.

Þegar sjálftakan er gerð að hugsjónaatriði af hálfu flokksins, þá er ekki að undra að þeir teljist heiðarlegir sem stungið hafa á sig tugum eða hundruðum milljóna af annarra fé.

Veit ekki til þess að þingmenn flokksins hafi gert upp sín mál, eins og t.d. Gulli Þór, sem þáði tugi milljóna sem Pétur Blöndal sagði að væri líklega mútufé.

Enda segja þeir innmúruðustu í flokkinn, að eðlilegt sé að Sjálfstæðismenn þyggji fé frá fyrirtækjum eða svindli undan skatti, þar sem það falli svo vel að hugsjónum flokksins.

[Ingibjörg Guðrún Magnúsdóttir, 25.4.2011 kl. 09:31]

Sæll Jón og tek ég undir orð þín.

Það er annað en hinir flokkarnir gera, reyna allt sitt til þess að moka skítnum áfram yfir á aðra og ef það tekst ekki þá er reynt að setja leynd yfir málefnin í áratugi og helst svo lengi að engin lifandi í dag verði til að segja frá þegar leyndinni verði aflétt...

[Jón Ríkharðsson, 25.4.2011 kl. 12:06]

Sæll Óskar minn Helgi, minn kæri vinur.

Ekki get ég séð, að þú sért andstyggilegur í minn garð þótt þér líki illa við flokk þann sem ég styð.

Hver og einn hefur sína skoðun, ég hef lengi vitað þitt álit á flokknum, samt finnst mér ánægjulegt að ræða við þig, jafnt í rituðu sem og töluðu máli.

Lenín og Stalín töldu sig ekki vonda menn, þannig að þeir hefðu vel getað sagt slíkt hið sama um sig sjálfa.

Hitler gaf sig út fyrir að vera elskur að dýrum, hann var grænmetisæta og honum fannst hann vera að bjarga Þýsku þjóðinni.

Menn hafa oft ranga mynd af sjálfum sér, slíkt er þekkt í sögunni, en aðeins um Sjálfstæðisflokkinn og það sem hefur verið staðfest,sumt er ósannað og það er erfitt að fjalla um.

Margt hefur verið sagt um sjálfstæðismenn, en fátt verið sannað, nema þá glæpur sá er Árni Johnsen framdi, það var allt saman ljótt mál og óverjandi. Það er erfitt að treysta slíkum manni, einnig er framganga hans í Landeyjarmálinu með ólíkindum.

Enda hef ég aldrei sagt annað, en að Sjálfstæðisflokkurinn er ekki fullkominn, hann er breyskur eins og heimurinn allur, samt er hann ekki eins spilltur og margir vilja vera láta, í samanburði við aðra flokka.

Svo ef við skoðum það sem sannað hefur verið, varðandi hina flokkanna.

Þú manst eflaust eftir málinu varðandi Guðmund Árna árið 1993.

Það var óumdeilt, að hann starfaði á mjög gráu svæði, enda þurfti hann að segja af sér, svo getum við nefnt ótal dæmi úr öllum flokkum sem virka á gráu svæði, sumt er erfitt að sanna osfrv., en ekkert styður þá kenningu að sjálfstæðismenn hafi verið spilltari en aðrir, þótt ekki séu þeir endilega óspilltir.

Það sem ég átti við í mínum pistli, eins og kom nokkuð skýrt fram, var að enginn flokkur gerir eins mikið í að rannsaka sig og Sjálfstæðisflokkurinn og þeir hafa verið mun viljugri að viðurkenna mistök en hinir.

Rifja má upp ummæli Þorgerðar Katrínar, Bjarna Ben, Guðlaugs Þórs og fleiri, en þau sögðust hafa brugðist í aðdraganda hrunsins, sofnað á verðinum osfrv.

Samt voru sjálfstæðismenn aldrei einir í stjórn.

En Óskar minn, ef þú hefur einhverjar staðfesta sannanir fyrir vondum verkum og meiri spillingu hjá sjálfstæðismönnum en öðrum, þá særir það mig ekki heldur upplýsir það mig frekar.

Ég vil helst að hið sanna líti dagsins ljós á öllum sviðum.

[Jón Ríkharðsson, 25.4.2011 kl. 12:24]

Sveinn minn, þú dæmigerði moggabloggari.

Það eina sem þú kemur með eru óstaðfestar kjaftasögur, slíkt er vart boðlegt í alvöru umræður.

Þú nefnir mútur, varðandi Guðlaug Þór, en samt hefur þú engar sannanir fyrir því.

Ekki minnist ég þess að hann hafi verið að hygla þeim sem að styrktu hann á óeðlilegan hátt, en vera má að það hafi farið framhjá mér. Þú væriri þá kannski vís með að fræða mig, en samt vonast ég eftir betri heimildum en einhverjum sögum að hætti Gróu gömlu frá Leiti.

Gaman væri að sjá hvar það stendur í stefnuskrá Sjálfstæðisflokksins, en hún er grunnurinn að hugsjónum flokksins, að menn eigi að svíkja undan skatti, en það er glæpur hafi það farið framhjá þér. 

Það er fólk í öllum flokkum sem svíkur undan skatti, enginn hefur til þessa sagt að það samræmist stefnu þess stjórnmálaflokks sem viðkomandi styður.

Svik undan skatti hefur því miður talist þjóðaríþrótt, sem stunduð er að ansi mörgum og þótt Sjálfstæðisflokkurinn sé stór, þá er hann nú varla "þjóðin".

[Jón Ríkharðsson, 25.4.2011 kl. 12:27]

Þakka þér fyrir Ingibjörg, ég er sammála þér.

[Sveinn R. Pálsson, 25.4.2011 kl. 12:47]

Stefnuskráin er léttvægt plagg, sem ætlað er að veiða atkvæði. Til að mynda er stefnan sú að frekar skuli stefnt að einkaframtaki en ríkisframtaki. Raunveruleikinn var sá að ríkisumsvifin voru aukin úr 36% af VLF upp í 49% af VLF á fáum árum.

Um leið og framkvæma á stefnuna og opinberi reksturinn skorinn niður, eins og Besti Flokkurinn gerir nú í Reykjavík, þá brestur flótti á íhaldið, því það er óvinsælt að skera niður, þó það sé vinsælt að hafa það á stefnuskrá. 

[Sveinn R. Pálsson, 25.4.2011 kl. 12:55]

Þó það sé ekki í stefnuskránni, þá hafa menn haldið því fram í umræðunni, að eðlilegt sé að sjálfstæðismenn þiggi styrki, þar sem það sé í samræmi við stefnu flokksins, en óeðlilegt sé að aðrir þiggi samskonar styrki.

Það á því ekki að gilda sama siðferði um sjálfstæðismenn og aðra menn.

Þetta er afar merk kenning, sem segir ýmislegt um hugarfar manna.

[Jón Ríkharðsson, 25.4.2011 kl. 13:23]

Sveinn, þetta er alveg hárrétt hjá þér með ríkisútgjöldin, þau jukust allt of mikið í stjórnartíð sjálfstæðismanna.

En sjálfstæðismenn hafa viðurkennt það oft og mörgum sinnum, þetta eru engar nýjar fréttir hjá þér Sveinn minn.

Ég þekki stefnu flokksins ágætlega og kannast ekki við að eðlilegt sé að sjálfstæðismenn þiggi meiri styrki en aðrir, þvert á móti eru allir, sjálfstæðismenn og aðrir, sammála um, að styrkir fóru úr böndunum.

En .þú mátt gjarna koma með alvöru dæmi, svo hægt sé að svara einhverju af viti.

En talandi um aukningu ríkisútgjalda, þá vildu vinstri flokkarnir auka þau meira en orðið var, þannig að hvernig hefði ástandið verið ef þeir hefðu mátt ráða?

Sjálfstæðisflokkurinn er stór flokkur og mismunandi fólk þar innanborðs, ekki get ég svarað fyrir allra munn, eingöngu tjáð mínar skoðanir og ég er alfarið á móti miklum útgjöldum af hálfu hins opinbera.

Það er hægt að koma með fjölmög dæmi fram og til baka, en eftir stendur sú staðreynd, sem var reyndar það eina sem ég var að benda á, að sjálfstæðismenn hafa gengið hvað harðast í, að rannsaka eigin verk.

Þú getur hvergi, í neinum stjórnmálaflokki, fundið fullkomna menn og það segir allt sem segja þarf.

[Sveinn R. Pálsson, 25.4.2011 kl. 14:03]

Jón, þú biður um dæmi: 

"Þess vegna voru — og eru — styrkir fyrirtækja, stórra og smárra, til Sjálfstæðisflokksins eðlilegir, því að hann er einn flokka hlynntur frjálsu atvinnulífi, hagstæðu almennu umhverfi fyrir atvinnufyrirtæki. Á sama hátt voru — og eru — styrkir, sem stjórnendur almenningshlutafélaga veita vinstri flokkum og vinstri mönnum, óeðlilegir." Skrifar Hannes Hólmsteinn. Fleiri hafa skrifað á sambærilegum nótum.

[Jón Ríkharðsson, 25.4.2011 kl. 14:35]

Skoðanir einstaklinga eru ekki endilega stefna flokksins.

Skoðun sú sem Hannes setur fram, ásamt ýmsum öðrum er sú, að þeim finnst meiri spilling hafa verið í kring um Samfylkinguna en Sjálfstæðisflokkinn. Eflaust er hann að vísa til sambands Jóns Ásgeirs og fleiri við Samfylkinguna, en allt þetta er þvargkennt og vont að sanna, hvor hefur daðrað meira við auðvaldið Samfylking eða Sjálfstæðisflokkur.

Ég býst við að báðir flokkar hafi gert það, en þetta dæmi getur varla talist yfirlýst stefna Sjálfstæðisflokksins og benda má á, að margt hefur breyst eftir hrunið varðandi hugarfar flokksmanna gagnvart styrkjum.

Það er betra að horfa til nútíðar og framtíðar, við breytum ekki því liðna.

[Kristinn Karl Brynjarsson, 25.4.2011 kl. 17:22]

Í kjölfar rannsóknarskýrslu Alþingis, féllu tvenn athyglisverð ummæli af vörum fyrrv. formanna Samfylkingar.  Fyrst sagði Össur í þinginu, er skýrslan var til umræðu, að fylgispeki flokksins við Baug hafi að mestu ráðið um afstöðu flokksins til fjölmiðlafrumvarpsins.  Síðan á flokksráðsfundi Samfylkingarinnar, helgina eftir útkomu skýrslunar, að flokkurinn hafi blindast af Blair-isma.  Það var nánast sagt, til þess að gera flokkinn ósakhæfan í þeirri atburðarás, sem var hér árin fyrir hrun.

[Jón Ríkharðsson, 25.4.2011 kl. 18:01]

Þakka þér fyrir Kristinn Karl, þetta er allt saman satt og rétt hjá þér.

En vandinn við Samfylkinguna er sá, að þar á bæ þora menn ekki að viðurkenna eigin mistök.

Oft hef ég bent á þennan flokksráðsfund sem gekk út á það, að væla yfir fylgisspekt við sjálfstæðismenn, en það er ekkert annað en lygi.

Samfylkingin elskaði útrásarvíkinga og alla auðmenn meira en allt annað á árunum fyrir hrun, margar heimildir styðja það með óyggjandi hætti.

[Sveinn R. Pálsson, 25.4.2011 kl. 18:19]

Er það ekki einmitt Samfylkingin sem hefur játað sín mistök, en íhaldið þráast við. 

Margir frjálshyggjumenn mótmæltu fjölmiðlafrumvarpinu og einnig frjálshyggjufélagið.

http://www.mbl.is/frettir/innlent/2004/04/27/frjalshyggjufelagid_motmaelir_fjolmidlafrumvarpi/

[Jón Ríkharðsson, 25.4.2011 kl. 20:29]

Sveinn minn, það er ágætt að halda sig við ákveðið umræðuefni í stað þess að fara út og suður til þess að leita að rökum, sem erfitt er að festa hendur á.

Ég stend ennþá við það, að sjálfstæðismenn viðurkenni frekar mistök en Samfylkingin, enda hefur það ekki verið hrakið.

En fyrst þú kýst þennan leik, þá skal ég leika við þig.

Árið 2004 settu sjálfstæðismenn fram frumvarp sem takmarka átti eignarhald á fjölmiðlum. Því var mótmælt af Samfylkingunni.

Frjálshygjufélagið er allt annað en Sjálfstæðisflokkurinn, þótt einhverjir sjálfstæðismenn séu þar.

Frjálshyggjufélagið var stofnað, m.a. vegna þess að mörgum sjálfstæðismönnum fannst flokkurinn ekki nægjanlega frjálshyggjulega sinnaður.

Þess vegna er út í hött að segja skoðanir Frjáshyggjufélagsins vera skoðanir Sjálfstæðisflokksins.

En það sem sjálfstæðismenn gagnrýna frumvarpið fyrir, er að þeim finnst það skerða tjáningafrelsið.

Samfylkingin hefur ekki með beinum hætti, beðist afsökunar á sínum eigin mistökum, sem þau bera ein ábyrgð á í aðdraganda hrunsins. 

Það er kjarni málsins, þótt hægt sé að þvarga út og suður og leita víða eftir rökum, sem eru afskaplega haldlítil eins og ég hef rakið hér fyrir ofan.

Ég er að fara út á sjó Sveinn minn, þannig að tíminn er orðinn naumur.

Mér finnst það heiðarlegra af þér að gera eins og ég og fleiri sjálfstæðismenn, hreinlega að viðurkenna klúðrið sem átti sér stað á árunum fyrir hrun, Samfylkingin er alls ekki saklaus í þessum efnum og hún ber jafnmikla sök og Sjálfstlæðisflokkurinn.

Annars held ég að þú sért að fíflast, bara til að búa til þras.

Þú hlýtur að vera of greindur til að trúa þessu rakalausa bulli sem þú hefur sett fram.

[Árni Gunnarsson, 26.4.2011 kl. 16:14]

"....féllu tvenn athyglisverð ummæli......" Voru þau ekki fleiri?

Talaði ekki einhver, var það varaformaður einhvers stjórnmálaflokks?  um að tiltekin skýrsla - rannsóknarskýrsla ? myndi kannski þvælast eitthvað fyrir flokknum hennar.......... búinn að gleyma... kannski dreymdi mig þetta bara...?

[Árni Gunnarsson, 26.4.2011 kl. 16:16]

Eru þeir búnir þessir spennandi og skemmtilegu tímar sjálfstæðismanna sem hún Þorgerður Katrín hlakkaði svo til?