Steingrímur Joð er sauður.

Eftir að hafa hlustað á viðtalið við Lilju Mósesdóttur og Guðlaug Þór Þórðarson á Bylgjunni, þá varð mín sterka skoðun, varðandi það að Steingrímur Joð sé óttalegur sauður, að bjargfastri sannfæringu.

Þeir sem halda því fram, að ástandið hefði ekki verið skárra ef Sjálfstæðisflokkurinn hafi verið áfram í valdastólum eftir hrun, þurfa að rökstyðja þá skoðun ansi vel.

Það kom fram í þættinum, að ríkisstjórn Geirs H. Haarde hafi stefnt að því, að láta óháða erlenda sérfræðinga meta verðmæti lánasafna bankanna. Varla er hægt að segja það annað en heilbrigð skynsemi, því það er ágæt leið til að komast sem næst raunvirði lánasafnanna.

En hin sauðheimska ríkisstjórn, vitanlega með ráðherra fjármála í fararbroddi því Jóhanna hefur ekki hundsvit á peningamálum, álpaðist til þess að semja um virði lánasafnana við kröfuhafana.

Svo til að kóróna vitleysuna, þá fór kallsauðurinn hann Steingrímur þá leið, að lögsækja Geir H. Haarde, manninn sem hann taldi heiðarlegt og traust góðmenni. Þótt hann hafi gert það með sorg í hjarta, þá er þetta engu að síður óþverraháttur.

Þótt margt hefði mátt gera öðruvísi í aðdraganda og kjölfar hrunsins, þá er það gjörsamlega út í hött að kæra þann aðila, sem þó tók skynsamlegustu ákvarðanirnar, eins og komið hefur í ljós.

Sumum þætti réttast að lögsækja Steingrím Joð og fleiri ráðherra og stefna þeim fyrir landsdóm, en það er út í hött.

Aðgerðir ríkisstjórnarinnar markast af fávitahætti og vankunnáttu, þau eru ekki ábyrg gerða sinna í þessum efnum.

 

 

Athugasemdir

[Sigurður Sigurðsson, 18.5.2011 kl. 12:43]

Heyr Heyr

[Jón Ríkharðsson, 18.5.2011 kl. 12:47]

Þakka þér fyrir Sigurður minn.

[Eyjólfur G Svavarsson, 18.5.2011 kl. 13:37]

Mikið rosalega er ég sammála þér Jón. það sjá þetta allir nema Steingrímur J. Hann var með bundið fyrir annað augað um stund, en nú er bundið fyrir bæði, og búið vera nokkuð lengi!!Ef það ætti að draga einhvern fyrir landsdóm þá er það hann sjálfur, en ekki maðurinn sem forðaði landinu frá gjaldþroti. ps. Þeyr sjá þetta sem vilja, en verði ekki komið á fólki, sem hefur vit á því sem það er að gera þá styttist í að við steypumst fram af bjargbrúninni. Það er nefnilega ekki lengi verið að eyðileggja það sem búið var að bjarga, þetta getur ekki verið verra!!!

[Jón Ríkharðsson, 18.5.2011 kl. 14:42]

Það er alveg rétt hjá þér Eyjólfur minn, Steingrímur sér þetta ekki vegna þess að hann er sauður.

Salómon konungur lýsti þessu ágætlega; "sá sem er heimskur þykist vera hygginn".

[Óskar Helgi Helgason 18.5.2011 kl. 15:01]

Heill og sæll Jón; og þakka þér viðvik gærdagsins - og sælir; aðrir gestir, einnig !

Eyjólfur G. Svavarsson !

''en ekki maðurinn sem forðaði landinu frá gjaldþroti'' sem þú vísar til, hér efra, ætti einmitt, að vera sessunautur Steingríms J. Sigfússonar, auk fjölda annarra.

Því miður; stenst fullyrðing þín, um Geir H. Haarde öngvan veginn, Eyjólfur minn, því Geir; auk fjölda annarra STUÐLUÐU að gjaldþroti Íslands, með svokallaðri einkavæðingu Bankanna, meðal annarrs.

Ég þókti; af sumum, einkar leiðinlegur Eyjólfur minn - í kaffi samsætum og öðrum samkundum fjölskyldu minnar (á 10. áratug nýliðinnar aldar - sem og, á hinum 1. þeirrar nýhafinnar), hæfi ég máls, á illyrmishætti : Davíðs Oddssonar - Halldórs Ásgrímssonar og Jóns Baldvins Hannibalssonar, með braski þeirra og spillingu allri og hryðjuverkum öðrum, sem á daginn kom.

Afstyrmið; Steingrímur J. Sigfússon, fyllir þennan flokk, skilvíslega, Eyjólfur minn, vitaskuld !

Með beztu kveðjum; sem áður og fyrri, úr Árnesþingi /

Óskar Helgi Helgason 

[Jón Ríkharðsson, 18.5.2011 kl. 15:19]

Minn kæri vinur Óskar, erfitt held ég að hægt sé að finna haldbær rök fyrir því, að einkavæðing bankanna hafi valdið hruninu.

Ástæðan fyrir því að þeir voru einkavæddir, var vitanlega sú, að rekstur ríkisbanka hefur runnið sitt skeið í hinum vestræna heimi.

Rekstur þeirra þótti bæði og þykir óhagkvæmur, vegna þess að hið opinbera hefur oftast verri tök á rekstri en einkaaðilar.

Ef við skoðum hinsvegar einkavæðingu bankanna, þá má segja að hún hafi farið of geyst, svona eftir á að hyggja, en margar ástæður lágu þar að baki.

Þegar reynt var að finna kaupendur erlendis, þá vildi enginn kaupa. Verðið sem í boði var þótti of lágt. Einkavæðingin var fryst, þar til þeir Björgólfsfeðgar höfðu samband.

Vitanlega má segja að það hafi verið röng ákvörðun að reyna ekki að fá hærra verð fyrir bankanna og vera má, að pólitíkusum hafi verið mikið í mun að selja þessum aðilum. Við skulum bara slá því á föstu að svo hafi verið, að stjórnvöld hafi leitað allra leiða til að koma ríkisbönkunum í hendur ákveðinna manna og jafnvel teygt sig ansi langt til að svo geti orðið.

Það er samt ekki ástæða þess hvernig fór.

Allir bankar hér á landi, sem og margir í heiminum öllum, fóru fram úr sér vegna mikils framboðs af ódýru fjármagni. Við þurfum að halda því til haga, að allir bankarnir þrír hrundu ásamt flestum sparisjóðum íslendinga,

Ef eingöngu Landsbanki og Búnaðarbanki hefðu hrunið, þá væri vel hægt að taka undir þetta sjónarmið þitt.

En ef horft er yfir fjármálahrunið í heild sinni, þá hefði það átt sér stað hér á landi, burtséð frá því, hvernig var staðið að einkavæðingu bankanna tveggja.

Og að lokum Óskar minn, þá er mér það ljúft að aðstoða þig og vonandi hefur það verið til gagns.

Kær kveðja úr Grafarvogi,

Jón Ríkharðsson.

[Óskar Helgi Helgason 18.5.2011 kl. 20:12]

Heilir; að nýju !

Jón !

Jú; þakka þér, margfaldlega. Liðveizla þín; varð mér, til góðrar framvindu.

Auðvitað; leiddi ekki einkavæðing Bankanna, ein og sér, til falls samfélagsins, fjarri því, en,........ vóg þó afar þungt, sem kunnugt er.

Þá; upplýsir Ólafur Arnarson, á Pressu síðu sinni, afar alvarlega aðför Jóhönnu og Steingríms, að viðskiptavinum Banka kerfisins - heimilum og fyrirtækjum.

Þarfnast; MJÖG ALVARLEGRAR umfjöllunar, hjá okkur - sem og öðrum síðu höfum, Jón minn.

Jafnvel; kann að vera, um VARANLEGA ÚTLEGÐARSÖK þeirra að ræða - hvorki; meira né minna. 

Í; fyllstu merkingu, þeirra orða !!!

Með; ekki lakari kveðjum - en þeim fyrri /

Óskar Helgi Helgason 

[Jón Ríkharðsson, 19.5.2011 kl. 00:10]

Það veitir mér ávallt gleði að geta orðið þér til gagns kæri vinur.

En þetta með einkavæðingu bankanna, það er svolítið lífsseigur misskilningur í því samhengi.

Án þess að ég sé að réttlæta ferlið sem slíkt, þá er erfitt að sjá hvort einkavæðingin hafi einhver áhrif á hrunið.

Ætli það hafi ekki verið hin forna og lífseiga græðgi, sem býr í allt of mörgum sem olli hruninu. Það hefði orðið þótt stjórnvöld hefðu fengið hærra verð fyrir bankanna og afhent þá öðrum.

Sú tekjuaukning sem hefði skapast við hærra söluverð á bönkunum hefði ekki dugað til þess að endurreisa nokkurn skapaðan hlut.

En ég ætla að lesa þetta sem þú bentir mér á hjá Ólafi Arnarssyni.

Með sömu kveðjum og áður,

Jón R.

[Eyjólfur G Svavarsson, 19.5.2011 kl. 15:57]

Óskar minn, Er það misskilningur hjá mér, að neiðarlöginn hafi forðað okkur frá gjaldþroti, ef svo er bið ég þig að leiðrétta mig. Með vinsemd og virðingu. Bláskjár.

[Óskar Helgi Helgason 19.5.2011 kl. 21:00]

Komið þið sælir; sem fyrr !

Jón ! Vil ítreka; þakkir miklar, þér til handa, að verðskulduðu.

Eyjólfur !

''Neyðarlögin''; flýttu fyrir gjaldþrotinu - og allsherjar upplausn, okkar Guðanna volaða samfélags.

Annað hvort; leggst all hér í dróma, um árhundraða skeið - eða þá; að við köllum eftir liðsinni öflugra ríkja, eins og : Kína - Rússlands - Indlands - Brasilíu, eða annarra, til þess að komast aftur, á stjá, svo einhverju nemi, ágæti drengur.

Með; þeim sömu kveðjum - sem öðrum fyrri /

Óskar Helgi Helgason