Seinheppinn forsætisráðherra.

Svo virðist  sem Jóhanna Sigurðardóttir geti aldrei gert nokkurn skapaðan hlut á réttan hátt.

Ef ég nýtti mér áróðurstækni vinstri manna, sem gengur út á hálfsannleik og lygi, þá myndi ég að sjálfsögðu fullyrða það, að Jóhanna Sigurðasrdóttir væri í liði með auðvaldinu.

Hún barðist af mikilli elju fyrir Húsbréfakerfinu, en það skapaði gróða fyrir þá sem betur voru settir og bankar ásamt lífeyrissjóðum kepptust við að kaupa þau í von um gróða.

Með einföldum hætti má segja að húsbréf hafi virkað þannig, að húsbyggjandi tók skuldabréf upp á eina miljón og fékk húsbréf upp á eina milljón.

Síðan þurfti að kaupa efni í húsið, en ef framboð var mikið á húsbréfum þá lækkuðu þau í verði, þannig að dæmi voru um að efnissali lét húsbyggjanda fá efni fyrir sjöhundruð og fimmtíu þúsund. Svo beið efnissalinn, sem gjarna var ágætlega stæður, þar til að húsbréf hækkuðu í verði og græddi þá tvöhundruð og fimmtíuþúsund krónur.

Mörg dæmi voru um að fjármálamenn græddu á braski með húsbréf, en fá dæmi eru um að hinn almenni launamaður hafi grætt.

Þetta var fyrsti stuðningur hennar við auðmenn.

Næsti stuðningur frá hennar hendi til auðvaldsins var vitanlega þegar hún stóð að því, að afhenda erlendum vogunarsjóðum skjaldborgina sem ætluð var fyrir heimilin í landinu og skuldsett fyrirtæki.

Í þriðja skiptið var þegar hún heimtaði það og barðst ötullega fyrir því, að íslenskir skattgreiðendur borguðu fyrir glæpsamlega háttsemi stjórnenda Landsbankans, þ.e.a.s. Icesave.

Það er til marks um grunhyggni þjóðarinnar, þegar því er haldið fram að Jóhanna Sigurðardóttir hugsi fyrst og fremst um hag hins almenna borgara.

Það er líka þvættingur að hún hugsi mest um hag auðmanna.

Hún hugsar einfaldlega ekki nokkurn skapaðan hlut, þess vegna er hún svona seinheppin.

Athugasemdir

[Eyjólfur G Svavarsson, 30.6.2011 kl. 17:09]

Það fer að verða lítið pláss fyrir nefin á tvíeykinu, og þeyrra hyski. Skyldi nefplássleysið verða þeim að falli??

[Jón Ríkharðsson, 30.6.2011 kl. 19:45]

Já Eyjólfur minn, nefin þeirra eru orðin ansi stór og eru enn að stækka, því þau eru ekki aldeilis hætt að ljúga.

[Kristinn Karl Brynjarsson, 2.7.2011 kl. 13:39]

Svo er nú eins og að seinheppnin virðist ætla að loða eitthvað áfram við hæstvirtan forsætisráðherra í kvótamálinu.

Sá flokkur útgerðamanna sem hefur orðið fyrir hvað mestum fúkorðaflaumi úr munni forsætisráðherra, er einmitt sá flokkur útgerðarmanna sem bíður í ofvæni eftir þeim breytingum sem til stóð að gera.

Það eru þeir útgerðarmenn sem seldu frá sér kvótann á sínum tíma og vilja núna koma aftur koma inn í útgerðina í gegnum strandveiði og ráðherrapotta.