Sjálfstæðisflokkurinn er frjálslyndur flokkur.

Andstæðingar Sjálfstæðisflokksins hafa um hríð talið mörgum trú um að flokkurinn væri ekki frjálslyndur, vegna þess að hann hafnaði aðild að ESB

Þetta virðist virka hjá þeim að vissu leiti, vegna þess að sjálfstæðismenn svara sjaldan fyrir sig af einhverjum óskiljanlegum ástæðum.

Vitanlega finnst öllum slæmt að vera ekki frjálslyndur, enda er það slæmt, og ef eitthvað neikvætt er sagt um Sjálfstæðisflokkinn þá trúir fólk því.

Sjálfstæðisflokkurinn hefur alltaf haft frjálslynd viðhorf í heiðri og hann mun gera það áfram, en hann er ekki skoðanalaus flokkur, enda á slíkur flokkur  ekkert erindi í pólitík.

Meirihluti sjálfstæðismanna vill ekkert með ESB hafa, þess vegna er það sjálfsagt og eðlilegt að álykta sterkt gegn aðild að Evrópusambandinu. En í Sjálfstæðisflokknum eru mjög öflugir liðsmenn sem eru fylgjandi aðild, það er ekkert óeðlilegt né slæmt við það.

Þessir einstaklingar njóta margir hverjir trausts og vinsælda innan flokksins, enda er rúm fyrir allar skoðanir þar. Í lýðræðisflokkum geta ekki öll sjónarmið haft sigur, það ætti öllum að vera ljóst.

Það getur enginn haldið því fram, með gildum rökum, að Sjálfstæðisflokkurinn sé ekki frjálslyndur stjórnmálaflokkur, fólk á ekki að trúa svona þvælu.

Athugasemdir

[Kristinn Karl Brynjarsson, 26.8.2011 kl. 22:01]

Mér finnast töluverð öfugmæli felast í því að segjast vera frjálslyndur, því viðkomandi vilji ganga í bandalag/samband, sem í rauninni að vera enn miðstýrðara, með vaxandi forræðishyggju.

 Þegar og ef að Alevrópska fjármálaráðuneytið tekur til starfa, þá verður aðildarþjóðum í raun bannað að skila meiri halla á fjárlögum, en e-ð ákveðið hlutfall af landsframleiðslu.  

Víðast hvar í Evrópu, sem og hér á landi, þá fer eldra fólki fjölgandi á kostnað þess yngra.  Það þýðir að eftir nokkra áratugi, verða of fáir skattgreiðendur, til þess að halda velferðarkerfinu uppi.

 Flestar evrópuþjóðir, hafa ekki sömu tækifæri og við til þess að auka framleiðslu og verðmætasköpun.  Það er því nokkuð ljóst að þau ríki munu þurfa að fara í töluverðar skattahækkanir og/eða ógnarniðurskurð.

Slíkt myndi hægt og bítandi, gera útaf við hagkerfi þessara landa, sem og ESB/evrusvæðisins og leiða til enn einnar bankakreppunnar..............

[Jón Ríkharðsson, 26.8.2011 kl. 22:56]

Já mér finnst þetta líka vera öfugmæli, en ef menn vilja kalla sig frjálslynda þá mega þeir það mín vegna.

Það er aftur verra ef farið er að segja að frjálslyndur flokkur sé það ekki, þá eru menn farnir að ljúga.

Svo get ég tekið undir það sem þú segir að öllu leiti.