Horft til framtíðar, á röngum forsendum.

Á löngum ferli í pólitík hefur margt síast inn hjá Jóhönnu og Steingrími en fátt markvert virðist sitja eftir hjá þeim, af einhverjum ástæðum.

Vitanlega hafa þau oft heyrt um nauðsyn þess að horfa til framtíðar og sannarlega gera þau það, en það eitt og sér er ekki nóg.

Þau horfðu til framtíðar árið 2009, en þá sagði fjármálaráðuneytið að það yrði 5% hagvöxtur árið 2011.

Svo var haldið áfram að horfa til framtíðar og þau sögðu að það kæmi til hellingur af störfum, mörgþúsund störf, á næstu árum. Svo þegar ekkert gekk, þá var bara sagt að þetta væri allt að koma, á næsta ári yrði þetta allt betra osfrv.

Þau gleyma því sem sagt , að það er ekki nóg að horfa bara til framtíðar. Vitanlega er nauðsynlegt að vinna vel í nútíðinni til þess að skapa góða framtíð.

þau gleyma þessari mikilvægu staðreynd, en þess í stað gera þau ekkert annað en að horfa til framtíðar, á röngum forsendu.

Athugasemdir

[Kristinn Karl Brynjarsson, 3.9.2011 kl. 12:01]

Sökum þess að meðalaldur þjóðarinnar fer hækkandi með ári hverju, þá er það verkefni stjórnvalda, næstu árin og áratugina að búa svo um hnúta, að hægt verði að auka landsframleiðsluna í sem næst því hlutfalli sem meðalaldursþróunin stefnir í.  Landsframleiðslan þarf að aukast verulega, svo skattstofnanir breikki og nái enn frekar að standa undir þessari þróun.

Að öðrum kosti þarf að hækka hér skatta ennfrekar  og skera enn meira niður í velferðarkerfinu.

Það er óumdeilt að oddvitar núverandi ríkisstjórnar og þeir flokkar sem hana skipa, munu aldrei geta komið sér saman um aukningu á landsframleiðslu.   

Framtíðarsýn núverandi valdhafa, býður því eingöngu upp á enn frekari skattahækkanir og niðurskurð í velferðarkerfinu.

[Jón Ríkharðsson, 3.9.2011 kl. 12:20]

Það er rétt Kalli, við þurfum að auka landsframleiðslu, það eina sem við þurfum er meiri gjaldeyrir um þessar mundir, til að greiða niður skuldir og styrkja velferðarkerfið.