Sjálfstæðisflokkurinn á að kynna sínar áherslur.

Nú er kominn tími til að Sjálfstæðisflokkurinn kyni sínar áherslur og sannfæri kjósendur um, að flokknum sé treystandi fyrir stjórn landsins. Það að benda á mistök og vanhæfni núverandi ríkisstjórnar eykur ekki traust á Sjálfstæðisflokknum, það vita allir um vanhæfni vinstri flokkanna, en upplýsingar vantar tilfinnanlega um hæfni sjálfstæðismanna.

Það hefur orðið trúnðarbrestur á milli Sjálfstæðisflokksins og þjóðarinnar, þess vegna þarf flokkurinn að ávinna sér traust á ný.

Það er best gert með því, að efna til funda og ræða við fólk á opinskáan hátt. Forysta flokksins þarf að biðja þjóðina um tækifæri og gefa loforð sem verður staðið við.

Sjálfstæðisflokkurinn hefur alltaf verið andvígur mikilli eyðslu, nú þarf að sýna það í verki og boða stórfelldan niðurskurð á flestum sviðum. Flokkurinn fór því miður of geyst í útþenslu báknsins og þarf að bæta fyrir það.

Það þarf að móta tillögur og skoða hvað við þurfum og hvað við getum verið án. Utanríkisþjónustan hefur bólgnað út, þar verður að skera niður.

Niðurskurður verður alltaf sársaukafullur fyrir einhverja og þeir sem eiga hagsmuna að gæta, snúast alltaf gegn honum. Vissulega þarf að sýna fólki virðingu og skilja öll sjónarmið, en þjóðin á takmarkað fjármagn um þessar mundir, þess vegna getum við ekki leyft okkur að halda í óarðbær störf.

Þegar hinum sársaukafulla niðurskurði er lokið, þá þarf að gæta þess að halda ríkisútgjöldum alltaf innan skynsamlegra marka, ríkið á aldrei að búa til störf sem ekki eru lífsnauðsynleg fyrir heill lands og þjóðar.

Sjálfstæðislfokkurinn þarf að móta raunhæfar lausnir sem miða að því að lækka skatta og skera hraustlega niður í opinberum rekstri. Hið opinbera á raunverulega ekki að gera neitt annað, en að sjá til þess að reglurverkið virkar og huga að þeim sem sjúkir eru og aldraðir.

Velferðarkerfi heimsins stendur á brauðfótum, við þurfum að horfast í augu við það og haga okkur samkvæmt þeirri staðreynd. Ekki á að lofa kjósendum dúsum sem auka ríkisútgjöld, heldur að lofa þeim og standa við það, að fólk geti notað eins mikið og mögulegt er, af því fjármagni sem það aflar með heiðarlegum hætti.

Finna þarf leiðir til að hvetja fólk til góðra verka og efla sjálfsbjargarviðleitni þess.

Sjálfstæðisflokkurinn á að lofa þjóðinni því, að hann fari eftir þeirri stefnu sem búin var til árið 1929 og vinna í að gera öll slagorð flokksins að veruleika.

Flokkurinn þarf eitt tækifæri til að sanna sig, kjósendur eiga að veita honum það, því saga flokksins er glæsileg að stærstum hluta, reyndar hafa komið slæmir tímar, en það má læra af þeim.

Hægri menn eiga allir að sameinast í einum flokki, Sjálfstæðisflokknum og veita forystunni aðhald. Hægri menn í mörgum flokkum veikja málsataðinn.

Ef Sjálfstæðisflokkurinn stendur ekki við orð sín og loforð, þá er ekkert hægt að kvarta yfir vantrausti kjósenda.

Fortíðin er liðin, nútíðin gefur tækifæri fyrir glæsta framtíð.

"Veldur hver á heldur".

Athugasemdir

[Jón Snæbjörnsson, 7.9.2011 kl. 10:31]

rétt nafni ...... nú er tími fyrir flesta okkar manna að líta sér nær og kanski birja niðurskurðin eða frekar hagræðinguna / réttlætinguna þar sem hann stendur þeim næst sem sækjast eftir "trausti" og landinu vilja stjórna í umboði kjósenda ....

stétt með stétt

[Guðmundur Ingi Kristinsson 7.9.2011 kl. 12:23]

Góð byrjun væri að byðja þingmenn flokksins að lesa stefnuskrá flokksins og fara eftir samþykktum landsfundar. Svo á hvaða byrjandi í pólitýk að vita það að númer eitt,tvö og þrjú er ekki bara að gagnrýna heldur að koma með lausnir. Með öðrum orðum gott hjá þér en mín aðferð er betri. Besta vörnin er sókn en því miður eru okkar þingmenn ...

[Vilhjálmur Stefánsson, 7.9.2011 kl. 14:45]

Bjarni Ben og forusta Sjálfstæðisfæokksins verður að víkja,og koma nýjum mönnum að. Sigurður Kári Kristjánsson er mjög skaðlegur Flokknum á þingi og svo ESB konurnar Ragheiður Ríkharðsdóttir og þorgerður Katrín,það verður að vera hægt að treista því Fólki sem er á þingi fyrir Flokkinn og það sé farið eftir samþykktum Landsfundar....

[Jón Ríkharðsson, 7.9.2011 kl. 16:14]

Þakka þér fyrir nafni minn Snæbjörnsson, við eigum að koma "stétt með stétt" í framkvæmd, með því verður stigið stórt skref varðandi sátt meðal þjóðarinnar, en það kemur ekki að sjálfu sér. Sæta þarf ólík sjónarmið og gefa þessu tíma til að þróast.

Að öðru leiti er ég sammála þér.

[Jón Ríkharðsson, 7.9.2011 kl. 16:17]

Það er rétt Guðmundur Ingi, það er betra að kynna góðar lausnir heldur en að gagnrýna stöðugt.

Allir sjálfstæðismenn, forystan og við hin, eigum að sjálfsögðu að lesa sögu flokksins vandlega sem og stefnuskrána, við höfum allar lausnirnar skráðar í bækur, þetta er bara spurning um framkvæmd.

Svo er bara að mæta á landsfundinn og skerpa á áherslunum.

[Jón Ríkharðsson, 7.9.2011 kl. 16:26]

Mér er alltaf illa við að tala um persónur Vilhjálmur og varðandi forystuna, landsfundur sker úr um það.

Nú halda sumir að ég þori ekki að tjá mig eða sé að verja einhvern, en það er ekki rétt.

Ég veit ekki með Bjarna, hann hefur haft stuttan tíma til að sanna sig og hann byrjaði á erfiðum tíma, það er ekki gott fyrir mann sem hefur litla reynslu eins og hann.

Kosturinn við hann finnst mér vera sá, að hann er heiðarlegur, svo kemur hann vonandi til með að þroskast og læra. Það að berjast gegn honum og tefla fram nýjum, það getur virkað öfugt og valdið miklum deilum.

Þegar rætt er um persónur í flokksstarfinu, þá verður allt vitlaust, það eru sterkar tilfinningar með og á móti forystunni. Sjálfur er ég ekki viðkvæmur í þessum málum og það ergir mig ekkert, þótt það séu deilur.

Mér finnst að við ættum að þjappa okkur saman um mikilvæg málefni og þróa okkar stefnu, við eigum að vinna saman að því að ná sigri í næstu kosningum.

Ef það á að fara að skipta út forystunni, þá getur farið svo, að fundurinn snúist um það að vera með eða á móti forystunni. Flokkurinn snýst um málefni en ekki persónur, ef okkur finnst forystan ekki vera að virka, þá eigum við að bretta um ermar og vinna.

Ég er yfirlýstur og harður andstæðingur þess að við göngum í ESB, en ég kann vel við Ragnheiði og Þorgerði. Þær eru öflugir liðsmenn og við eigum aldrei að láta fólk gjalda fyrir sínar skoðanir. Við eigum að geta tekist á um málefni, verið ósammála stundum, en samt staðið saman um stefnu flokksins.

[Björn Birgisson, 7.9.2011 kl. 18:54]

Ágætur pistill. Ef einhver viðsnúningur á að verða hjá Sjöllum þarf mikil mannaskipti  í þingliðinu. Hanna Birna mun taka við formennskunni í nóvember og er miklu líklegri til að ná árangri en Bjarni. Á ekki von á hörðum slag á milli þeirra. Á frekar von á að Bjarni dragi sig í hlé og láti henni eftir sviðið.

[Jón Snæbjörnsson, 7.9.2011 kl. 20:15]

"Mér finnst að við ættum að þjappa okkur saman um mikilvæg málefni og þróa okkar stefnu, við eigum að vinna saman að því að ná sigri í næstu kosningum."

svo mikið rétt hjá þér nafni !

[Jón Ríkharðsson, 7.9.2011 kl. 20:21]

Þakka þér fyrir Björn, þar sem að ég er lélegur í að sjá inn í framtíðina, þá skulum við bara sjá hvað verður eftir landsfundinn.

[Jón Ríkharðsson, 7.9.2011 kl. 20:21]

Þakka þér fyrir nafni.

[Sigurður Sigurðsson, 7.9.2011 kl. 23:26]

Góður pistill hjá þér Jón,

Hlutverk flokksforystunnar og þingmanna er að framfylgja þeirri stefnu sem Landsfundur setur.  Það hafa, því miður, ekki allir þingmenn flokksins gert og því hlýtur að koma til uppgjörs gagnvart þeim á landsfundinum.  Það er einfaldlega eðli stjórnmálanna og vettvangurinn til uppgjörs eru landsfundirnir, sem fara með æðsta valdið í stefnumótuninni.  Ef við látum átölulaust að einstaka þingmenn kjósi gegn vilja landsfundar, þá einfaldlega erum við að segja við þjóðina að flokkurinn sé hvorki marktækur né stjórntækur.  Flokkurinn verður að ná áttum og hverfa aftur til þeirra gilda sem gerðu hann að öflugasta stjórnmálaafli landsins.  "Stétt með stétt" á sannarlega enn við í dag.

[Jón Ríkharðsson, 10.9.2011 kl. 13:20]

Þakka þér fyrir Sigurður, "stétt með stétt" þarf að komast í framkvæmd, það verður stórt skref til framfara.