Björn Valur kann á sitt fólk.

Augljóst er að Björn Valur Gíslason er prýðilega vel skólaður í áróðurstækni vinstri manna.

Hún er einföld en afskaplega skilvirk, vegna þess að sjálfstæðismenn hafa lítt hirt um að svara rangfærslum og lygum vinstri manna.

Þann 30. september árið 2011 ritar Björn Valur Gíslason um hvatningu Bjarna Benediktssonar til okkar sjálfstæðismanna.

Þingmaðurinn kann að spila á sitt fólk. Það virkar vel að gefa eitthvað ljótt í skyn varðandi Sjálfstæðisflokkinn.

Hann segir í byrjun pistilsins, að Bjarni hafi hvatt sjálfstæðismenn til að mótmæla af krafti enda;"óljóst hvernig löggæslu við þingsetningu verður háttað".

Þarna er Björn Valur búinn að kveikja í sínum mönnum, þeir eru orðnir heitir og hann heldur áfram;

"Skilaboðin frá Bjarna eru skýr: sjálfstæðismenn! Mætum á Austurvöll, löggan mætir líklega ekki og látum finna fyrir okkur. Fellum ríkisstjórnina og komum Flokknum aftur til valda".

Í hita leiksins gleymir Björn Valur sér illilega, hann gerir sér ekki grein fyrir að sjálfstæðismenn geta líka lesið bloggin hans og flestir sjálfstæðismenn nenna að lesa og leitast við að skilja um hvað er fjallað.

Hann birtir bréf Bjarna og þá kemur fram að Bjarni Ben er að hvetja okkur sjálfstæðismenn til að styðja baráttu lögreglumanna og hann biður okkur um að sýna þeim virðingu.

Einnig hvetur hann alla, sem vilja mæta, til að sýna stillingu og viðhafa þá friðsöm mótmæli.

Björn Valur veit sennilega ekki þá staðreynd, að ef formaður Sjálfstæðisflokksins myndi hvetja okkur til "að láta finna fyrir okkur", þá hefði hann líklega ekki verið kosinn aftur. Við sjálfstæðismenn þolum einfaldlega ekki ofbeldi og líðum það aldrei.

 

Athugasemdir

[Ásthildur Cesil Þórðardóttir, 28.2.2012 kl. 11:49]

Las þetta einmitt og sá ekkert nema vinsamleg tilmæli um að fara með friði.  Þetta féll illilega um sjálft sig.  Það er svona þegar menn leggja öðrum orð í munn, sérstaklega þegar ruddalegt fólk á í hlut og notar sín eigin orð til að fylla upp í það sem aðrir eru að segja.

[Jón Ríkharðsson, 28.2.2012 kl. 11:53]

Það er rétt Ásthildur mín og við sem aðhyllumst hægri vænginn hvetjum aldrei til ofbeldis.

En Björn Valur og félagar eru í vandræðum með málstað, þess vegna þarf að ljúga upp á sjálfstæðismenn til að fá einhver atkvæði.

[Ásthildur Cesil Þórðardóttir, 28.2.2012 kl. 12:44]

Já rétt skal vera rétt hver sem í hlut á.  En auðvitað eru VG og Samfylkingin orðin örvæntingarfull.  Þau hafa týnt öllum trúverðugleika og með lygina að vopni ætla þau inn í kosningabaráttu.  Svo hefur það algjörlega fallið milli skers og báru að Samfylkingin var líka í ríkisstjórninni sem búsáhaldabyltingin var að mótmæla, þau reyna eins og hægt er að láta fólk gleyma því.

[Jón Ríkharðsson, 28.2.2012 kl. 20:20]

Sammála þér Ásthildur mín.