Hver á fiskinn í sjónum?

Umræðan um sjávarútvegsmál er á svo miklum villigötum, ESB þjóðirnar þykjast eiga makrílinn og vísa í lög og reglur máli sínum til stuðnings, svo eru íslendingar að rífast um, hvort útgerðarmenn eigi fiskinn eða þjóðin.

Bændur eiga sín dýr, því þeir hirða þau og fæða. En það hirðir enginn um að fæða fiskinn í sjónum, enda er það eflaust ekki hægt. 

Fiskurinn í sjónum er villt og ótamin skepna, það á engin þjóð villtan fisk í sjó og heldur engir útgerðarmenn.

Það er undarlegt að vinstri menn, sem þykjast vera miklir náttúruverndarsinnar og segjast bera mikla virðingu fyrir öllu sem lifir, skuli voga sér að segja að einhver eigi villtan fisk í sjó.

Það þarf að breyta áherslum í þessaru umræðu, bæði á Íslandi og í öðrum löndum líka.

Við eigum hafsvæðið í kring um landið og höfum nýtingarréttinn á því.

Veiðar eru keppni á milli fisks og manns. Fiskur sem kemur í íslenska landhelgi má búast við að vera veiddur ef hann nær ekki að forða sér, en við sjómenn þekkjum það að fiskurinn nær oft að forðast veiðarfærin.

Það ruddist makríll inn í landhelgi okkar og ESB þykist eiga hann. Það hljómar kannski við lögin, en stenst ekki raunveruleikann.

Makríllinn tekur æti frá þeim fiskum sem við viljum hafa í landhelginni og það skaðar okkar hagsmuni.

Að sjálfsögðu eigum við sem fiskveiðiþjóð að tala á móti þessari vitleysu, að einhver geti átt fiskinn í sjónum.

Hver þjóð sem hefur viðurkenda landhelgi má að sjálfsögðu veiða þann fisk sem kemur í hana, án þess þó að stunda rányrkju og eyðileggja stofninn, slíkt er engum til góðs.

Athugasemdir

[Kristján B Kristinsson 1.6.2012 kl. 13:08]

Sammála hverju einsta orði Jón.

[Árni Gunnarsson, 1.6.2012 kl. 13:19]

Sammála. Og hvað eru þessir afglapar hjá ESB skúmaskotinu að þenja sig um sjálbærar nýtingar?

Hvað vita þeir um sjálfbærar nýtingar?

Hvað vissi Alþjóða hafrannsóknarstofnunin um sjálfbærar nýtingar þorskstofns í Barentshafi árið 2000? NÁKVÆMLEGA EKKI NEITT EINS OG GLÖGGLEGA KOM Í LJ'OS.

Og á Alþingi Íslands eru 63 alþingismenn íslenskir að rífast og halda að þeir séu að rífast um það sem máli skiptir um nýtingu fiskistofna fyrir ríki, útgerð og samfélag.

En eru blátt áfram að þenja sig um öll aukaatriðin vegna þess að þeir sem vita um hvað málið snýst hafa lofað einhverjum vinum sínum að segja ekki nokkrum lifandi manni frá því.

[Rósa Aðalsteinsdóttir, 1.6.2012 kl. 13:49]

Svar - Íslenska þjóðin

[Sveinn Snorrason 1.6.2012 kl. 14:03]

Fiskurinn í sjónum er einskis manns eign þar til hann hefur verið veiddur eða króaður af. RES NULLIUS. Hafsvæðið umhverfis landið tilheyrir því og rétturinn til veiða.

[Jón Ríkharðsson, 1.6.2012 kl. 14:39]

Þakka þér innlitið Kristján minn. Ég get allvega ekki komist að annarri niðurstöðu í þessu máli.

[Jón Ríkharðsson, 1.6.2012 kl. 14:42]

Sammála þér Árni, það þarf að ræða sjávarútvegsmálin vandlega og byrja frá grunni.

Barentshafið er ágætt dæmi um ráðleggingar fiskifræðinga, það þarf að fara fram víðtæk umræða á milli ólíkra sjónarmiða sem miðar að hámarksnýtingu á auðlindinni.

[Jón Ríkharðsson, 1.6.2012 kl. 14:44]

Nei elsku Rósa mín, fiskurinn í sjónum á sig sjálfur, enda höfum við ekkert gert til að eiga hann.

Fiskurinn kemur hingað því skilyrðin eru góð, um leið og straumar breytast, þá er hann horfinn og við getum ekkert gert.

Fiskurinn fer frjáls sinna ferða í leit að æti og góðum skilyrðum, við höfum ekkert um það að segja, því við eigum hann ekki.

En við eigum hafssvæðið í kring um landið og höfum möguleika á að veiða þann fisk sem í það kemur.

[Jón Ríkharðsson, 1.6.2012 kl. 14:47]

Rétt Sveinn, við þurfum að ná honum til að geta nýtt hann.

Aftur á móti dýr sem einhver á er alltaf hægt að ná í og nýta, því eigandinn gætir þess að þau sleppi ekki í burtu og hann sér um þau, frá fæðingu til slátrunar.

Það þarf hinsvegar að beita mikilli leikni til að ná í fiskinn í sjónum, hann hefur lag á að forðast veiðarfæri og mörgum skipsstjórum skortir hæfileika til að sjá við klókindum fisksins, sem er frjáls og á sig sjálfur.

[Ómar Bjarki Kristjánsson, 1.6.2012 kl. 19:54]

Sjálfstæðisflokkurinn.

Source: http://www.youtube.com/watch?v=6XLOP2rMH5U

[Jón Ríkharðsson, 1.6.2012 kl. 21:15]

Ómar Bjarki, það er varla hægt að svara þessu bulli í þér, en fyrir siðasakir skal ég gera það.

Þetta myndband sem þú vísar í er afbökun á því sem Sigurður Kári sagði, hann átti við að með því að fara í ESB, þá myndum við ekki hafa yfirráð yfir fiskinum í sjónum.

Hvernig heldur þú, að hægt sé að telja einhverjum trú um það, að stjórnmálaflokkur, Sjálfstæðisflokkurinn eða einhevr annar, myndi segja það hreint út, að hann eða hans fólk ætti fiskinn í sjónum. 

Þetta er svo vitlaus röksemd, að miðað við það sem þú hefur komið með til þessa, en ég hef ekki nennt að svara því, þá er þetta svo vitlaust að ég gat ekki orða bundist, þér tókst að gera mig reiðan en það er afrek út af fyrir sig, hjá manni sem viðhefur sama málfutning og þú, að mestu leiti byggðan á hálfsannleika og lygi.

Þú gerir lítið úr sjálfum þér með þessu, það sjá allir í gegn um þessa vitleysu hjá þér.

[Ásthildur Cesil Þórðardóttir, 1.6.2012 kl. 23:51]

Sammála um að hér þarf virkilega að breyta til, Vg og Samfó eru bara ekki að ná þessu, og frumvarpið sem Steingrímur hampaði í upphafi sem sáttartilboði, hvernig sem hann fann það út, er algjörlega út úr korti, og mun vonandi ekki hljóta hjlómgrunn á alþingi. 

[Jón Ríkharðsson, 2.6.2012 kl. 00:59]

Það þarf að ræða þessi mál frá grunni Áthildur mín, það hefur varla komið á umræðustig ennþá að mínu mati.

En ég verð líka að koma því að, að mér fannst gott að lesa viðtalið við þig í Fréttatímanum, þar sem að þú lýstir erfiðri og sárri lífsreynslu af mikilli yfirvegun og skynsemi. Þú ert augljóslega sterkari andlega en gengur og gerist, mig grunaði alltaf að þú værir sterkur persónuleiki, en viðtalið sannfærði mig um að þú værir meira en það, þú ert hetja.

[Ásthildur Cesil Þórðardóttir, 2.6.2012 kl. 11:47]

Takk fyrir það Jón, takk fyrir mig.

[Helgi Armannsson 2.6.2012 kl. 14:31]

inilega sammala ter Jon

[Jón Ríkharðsson, 2.6.2012 kl. 17:16]

Það er frekar ég sem á að þakka þér Ásthildur mín, ég hef alltaf leitað innblásturs fyrir bjartsýni og þroska, með því að lesa æfisögur og frásagnir fólks sem me´r finnst standa upp úr.

Það þarf mikla hetjulund til að horfast í augu við lífið og halda bjartsýninni, eftir að hafa misst bæði son og tengdadóttur, það gerir allt svo smátt í sniðum sem kvartað er yfir dags daglega.

[Jón Ríkharðsson, 2.6.2012 kl. 17:17]

Þakka þér Helgi.

[Árni Gunnarsson, 2.6.2012 kl. 18:03]

Barentshafið enn. Hversu mörg hundruð milljarða eru þessar vísindastofnanir að hirða af útgerðum með svona ráðgjöf sem ætti að vera refsiverð?

Síðan er það þöggunin í vísindasamfálginu.

Hvers vegna er ekki gert veður út af vinnubrögðum Hafró?

Hvar tekur Steingrímur J. leyfið til að taka til máls með postullegum föðurtón og segja að það sýni sig nú að við gerðum rétt þegar ekki var látið undan sárri gjaldeyrisþörf og aflaheimildir auknar?

Hann var að vísa til þess að ástand þorskstofnsins vöri að mati Hafró orðið svo gott að kannski gætum við farið að rölta af stað við aukningu!

Eftir 30 ára fíflagang með þessa dýrmætustu auðlind þjóðarinnar og vísindalega "styrkingu" gætum við líklega á næsta ári veitt nærri helmimg þess þorskafla sem við veiddum við upphaf verndunar.

Og svo líta þessir menn út í framan eins og einhverjar vitsmunaverur!  

[Ásthildur Cesil Þórðardóttir, 3.6.2012 kl. 00:51]

Takk fyrir það Jón minn.

[Jón Ríkharðsson, 3.6.2012 kl. 01:04]

Veistu það Árni, ég er sammála þér að þessu leiti. Það á ekki að leyfa einni skoðun að vera ráðandi í rannsóknum á lífríki hafsins, ég þekki þetta með Barentshafið og man vel eftir því þegar heilmikið magn af fiski kom allt í einu fyrir tuttugu árum rúmum, ég fór nokkrum sinnum í Smuguna á þessum tíma. Það er ekkert hlustað á fiskifræðinga þar, samt er alltaf hægt að veiða meira.

Það er mjög skrítið að eftir öll þessi ár og góða fylgni við ráðleggingar Hafró, skulum við ekki veiða meira. Einnig veit ég það, að í togararallinu eru þeir oft að veiða mjög lítið á meðan önnur skip, rétt hjá, eru að fá góðan afla. Einn skipstjóri sem ég var með, sagði mér að þessir dallar í togararallinu toguðu eins og fábjánar, með tilliti til strauma og vindáttar.

[Jón Ríkharðsson, 3.6.2012 kl. 01:06]

Takk sömuleiðis Ásthildur mín.