"Þegar ég var barn............."

Það er alltaf mjög sjarmerandi, þegar lítil börn koma með krot á blaði og segja það vera mynd af einhverju, einlægnin skín úr fallegu augunum og stolt barnsins gerir myndina að listaverki.

Við vitum að barnið er að mótast og með tíð og tíma, tekst því kannski að verða góður myndlistamaður.

Öðru máli gegnir ef fullorðið fólk gerir það sama og börnin, svo ekki sé talað um æðstu ráðamenn þjóðarinnar.

Jóhanna og Steingrímur hafa gert allt með öfugum klónum, frá fyrstu tíð þessarar ríkisstjórnar. Þau hafa valdið ósætti, snarhækkað skatta og svo mætti lengi telja.

 Í Kastljósþætti sat Bjarni Benediktsson á móti Steingrími J. og þeir voru að takast á um hin ýmsu mál. Í lok þáttarins leit Steingrímur á Bjarna og spurði hann, hvort hann sæi virkilega ekki öll þau afrek, sem þessi ríkisstjórn hafi unnið.

Þá fipaðist Bjarni, því hann er barngóður mjög og eiginlega samþykkti það sem ráðherrann sagði.

Vanhæfni ríkisstjórnarinnar á sér margar birtingarmyndir, þeir sem fylgjast með fréttum vita við hvað er átt og þeir sem telja þetta góða ríkisstjórn, ja, þeir verða þá bara að hafa þá skoðun.

Páll postuli sagði frá því, að þegar hann var barn, þá hagaði hann sér eins og barn. En þegar hann varð fulltíða maður þá lagði hann niður barnaskapinn.

Þrátt fyrir að vera bæði komin yfir miðjan aldur, þá hafa þau Jóhanna og Steingrímur alveg gleymt að afleggja barnaskapinn, þau skilja sennilega ekki hvað postulinn átti við.

Með reglulegu millibili koma þau í fjölmiðla, eftir allt klúðrið og segja; "erum við ekki dugleg"?

Athugasemdir

[Ásthildur Cesil Þórðardóttir, 19.6.2012 kl. 10:13]

Að mínu mati eru þau bæði blind og heyrnarlaus.  Þau ræða bara saman og hrósa hvort öðru, en hlusta ekki á óþægilegar raddir fyrir utan afílabeinsturninn.  Ég er orðin yfir mig þreytt á þessu pari, held bara að það verði veisla hjá mér þegar við erum endanlega laus við þau úr stjórnarráðinu.

[Þór G.V.Ólafsson 19.6.2012 kl. 11:48]

Veruleika fyrt

[DoctorE 19.6.2012 kl. 13:39]

En sjálfstæðiflokkurinn kom okkur á kaldan klaka maður... Steingrímur og Jóhanna sukka og allt það, en enginn sukkar eins mikið og sjálfstæðisflokkur..

Páll postuli barðist við geðsjúkdóma .. halló

[Jón Ríkharðsson, 20.6.2012 kl. 03:44]

Já Ásthildur mín, það verður sko veisla hjá mörgum þegar þau hverfa frá völdum.

[Jón Ríkharðsson, 20.6.2012 kl. 03:45]

Rétt Þór.

[Jón Ríkharðsson, 20.6.2012 kl. 03:45]

Daginn DoctorE, þú klikkar ekki frekar en fyrri daginn.