Hættum að sekta fyrir dugnað.

Vinstri menn hafa þá hvimleiðu árátta að sekta fólk fyrir dugnað og það dregur smátt og smátt þrótt úr framtakssömu fólki, því fáir nenna að streða og borga megnið af innkomunni til ríkissins.

Stundum koma þeir með þau rök, að fólk þurfi að greiða fyrir það að hafa hagnast svona mikið, en vinstri flokkarnir hafa aldrei verið þekktir fyrir að hjálpa fólki að auðgast, þvert á móti reyna þeir að koma í veg fyrir það með öllum ráðum.

Sá sem að getur hagnast vel í tíð vinstri stjórnar er sannkallaður afreksmaður og slíkir einstaklingar eru vitanlega dýrmætustu þegnar allra landa.

Það á að vera ein lág skattprósenta fyrir alla, þeir sem þéna mikið borga alltaf hærri upphæðir í skatta.

Eitt helsta baráttumál næstu ríkisstjórnar á að vera, að hætta að sekta fólk fyrir dugnað.

Athugasemdir

[Ásthildur Cesil Þórðardóttir, 7.7.2012 kl. 13:16]

Þarna erum við algjörlega sammála.

[Halldór Björgvin Jóhannsson, 7.7.2012 kl. 13:21]

Gæti ekki verið meira sammála þér.

[Björn 7.7.2012 kl. 13:31]

Já þetta góð samantekt á pólitíkinni í hnotskurn!

[Skjöldur 7.7.2012 kl. 13:43]

Ef einstaklingurinn fær ekki að njóta afrakstur erfiðis síns mun hann hætta að erfiða og ekkert mun þrífast í þannig umhverfi.

[Johann Kristinsson 7.7.2012 kl. 14:52]

Elsku karlinn minn; að sekta fólk fyrir dugnað hefur alltaf verið stefna Alþýðuflokksins (nú SF) og Allaballa (nú VG) þannig að það sem hefur gerst í skattamálum á Íslandi síðustu þrjú árin, ætti ekki að koma eins og þruma úr heiðskýru lofti fyrir þig.

Eins og sagt var um USSR; "everybody is equal, just some are more equal than others." Þannig vilja þessar Dömur og þessir Herrar í SF og VG hafa það. Því miður þá er þetta bara svona, og þau koma aldrei til með að breita sinni stefnu.

Kveðja frá Las Vegas.

[Erlendur 7.7.2012 kl. 14:54]

Flestir vinstri menn virðast standa í þeirri meiningu að efnahagskerfið sé "zero sum game" svo að ég leyfi mér að sletta. Af því leiðir í þeirra augum að ekki er hægt að skapa verðmæti, heldur einungis er verið ap flytja þau frá einum aðila til annars og í þeirra augum er hagnaður einfaldlega stuldur frá einhverjum öðrum. Þegar hlutirnir eru settir svona upp, er augljóst hvert stefnir.

Churchill sagði " The inherent vice of capitalism is the unequal sharing of blessings; the inherent virtue of socialism is the equal sharing of miseries"

og þetta hefur reynst rétt hvar sem menn hafa reynt að hafa fræði Marx að leiðarljósi.

[Jóhann Kristinsson 7.7.2012 kl. 15:36]

Vel skrifað Erlendur.

Oft er hægt að kvóta gamla Churchill til að koma hugsun manns vel í hðfn, so to speak.

Kveðja frá Las Vegas.

[Erlendur 7.7.2012 kl. 15:44]

Takk Jóhann,

ég er búsettur á vinstri strönd Bandaríkjanna og því miður eru innfæddir að reyna að apa eftir Evrópumönnum þessa fásinnu.

[Jóhann Kristinsson 7.7.2012 kl. 18:40]

Skyl þig vel Erlendur.

Ættlaði að búa í San Diego, en hætti við útaf vitleisuni í Kaliforníu, og bý í Las Vegas.

Kveðja frá Las Vegas.

[Jón Ríkharðsson, 7.7.2012 kl. 20:51]

Það er gaman að við skulum þá einu sinni vera algerlega sammála Ásthildur mín, en það er ekki langt á milli okkar pólitísku skoðanna, örlítill áherslumunur held ég.

[Jón Ríkharðsson, 7.7.2012 kl. 20:52]

Takk fyrir það Halldór.

[Jón Ríkharðsson, 7.7.2012 kl. 20:52]

Rétt Björn og þeirri pólitík þarf sannarlega að breyta.

[Jón Ríkharðsson, 7.7.2012 kl. 20:53]

Sammála því Skjöldur, það er enginn hvati, ef fólki er refsað fyrir dugnaðinn.

[Jón Ríkharðsson, 7.7.2012 kl. 20:54]

Mikið er ég sammála þér Erlendur, ég er líka mikill aðdáandi Churchill, hann var merkur stjórnmálamaður og með afbrigðum djúpvitur.

[Haraldur Haraldsson, 7.7.2012 kl. 22:28]

Það er sorglegar en tárum taki að bíða til vors um breytingar/Kannski fyrr???/Kveðja

[Ólafur Örn Jónsson, 7.7.2012 kl. 23:49]

Sammála Jón okur skattar og einokun í atvinnulifinu á ekki rétt á sér í nútíma lýðræðisríki

[Jón Ríkharðsson, 8.7.2012 kl. 00:44]

Það er rétt Óli, það þarf að lækka skatta umtalsvert.

[Steinþór Kristjánsson, 8.7.2012 kl. 02:23]

Einmitt, hvað ætli það kosti ríkissjóð, þessar matargjafir, öryrkja og annara sem ekki eiga til hnífs og skeiðar, hækka bætur, láta fólk kaupa sjált í matinn og hjólin fara að rúlla.