Mun ríkisstjórnin eigna sér heiðurinn af veðurblíðunni?

Sólskinið hefur glatt landann undanfarið og ganga nú margir um brúnir á örund og glaðir í sinni.

Ekki er ólíklegt, í ljósi reynslunnar, að ríkisstjórnin finni leiðir til að eigna sér heiðurinn af góða veðrinu.

Þau eigna sér allan heiðurinn af hagvextinum, þótt vitað sé að stjórnvöld, ein og sér, skapi ekki hagvöxt. Raunar er hagvöxtur sem er tilkominn vegna beinna aðgerða stjórnmálamanna óæskilegur, stjórnmálamenn eiga að skapa jarðveg fyrir hagvöxt.

En hvað um veðrið, geta þau sannfært kjósendur um að eiga heiðurinn af því?

Það hljómar ekki ósennilega, hagvöxturinn sem þau hrósa sér af lítur vel út á pappírum, en hann er neysludrifinn að stærstum hluta og því slæmur til lengri tíma litið.

Veðrið er í svipuðum anda, sólríkt, ljúft og gott, en allt of þurrt.

Það vantar regnið til að gras og gróður dafni. 

Athugasemdir

[Ásthildur Cesil Þórðardóttir, 15.7.2012 kl. 09:38]

Já þau finna örugglega leið til að eigna sér góða veðrið eins og allt annað sem er á uppleið í samfélaginu, það má bara ekki muna eftir Icesave og svoleiðis smámunum. 

[Jón Ríkharðsson, 15.7.2012 kl. 17:47]

Rétt Ásthildur mín, þau vona að flestir nái að gleyma Icesave og fleiri óþægilegum staðreyndum.

[Ásthildur Cesil Þórðardóttir, 15.7.2012 kl. 20:17]

Jamm þannig er það bara.  Og nú gengur Steingrímur með krókódílatár í augum og ber sér í brjóst yfir hvað allir eru vondir við hann og hans búrtíkur eins og einn ágætur fyrrum vinstri grænn segir gjarnan. 

[Skúli 16.7.2012 kl. 13:11]

En Icesave-málið er ekki enn búið, það er fyrir dómi núna.  Það væri að sjálfsögðu betra ef fólk gæti bara gleymt því en það er víst ekki svo...

[Ásthildur Cesil Þórðardóttir, 16.7.2012 kl. 20:29]

Skúli það verður einfaldlega ekki svipur hjá sjón eftir neitun þjóðarinnar, reynið nú að horfast í aug við staðreyndir en ekki endalausan hræðsluáróður fólks sem í raun og veru eru ekki íslendingar heldur ESB  sinnar.