Getur Sjálfstæðisflokkurinn samþykkt aðild að ESB?

Sumir segja það rangt af okkur sjálfstæðismönnum að hafna alfarið aðild að ESB. Máli sínu til stuðnings nefna þeir að slíkt geti útilokað flokkinn frá samstarfi við aðra flokka og einnig að það geti skaðað ímynd Sjálfstæðisflokksins og fælt marga sjálfstæðismenn þaðan.

Eindregin afstaða gegn ESB aðild er samkvæmt upprunalegu stefnu Sjálfstæðisflokksins og sjálfstæðsstefnan stendur enn óhögguð, öflug og sterk, þrátt fyrir ýmis feilspor þeirra sem kjörnir hafa verið til að fylgja henni.

Sjálfstæðisstefnan gerir þær kröfur á okkur sjálfstæðismenn, að við berjumst fyrir sjálfstæði og fullveldi íslensku þjóðarinnar. Aðild að ESB skerðir bæði fullveldi og sjálfstæði íslensku þjóðarinnar og ekki er sjálfgefið að það verði okkur til heilla.

Ef að Sjálfstæðisflokkurinn ætlar að sveigja sína stefnu í áttina að dægursveiflum og tískustraumum, þá er hann ekki lengur sá flokkur sem stofnaður var í upphafi. Eini flokkurinn sem kallast getur stjórnmálaflokkur (hinir flokkarnir voru stofnaðir sem hagsmunabandalög verkafólks) þarf að standa í lappirnar og fylgja þeirri stefnu sem hann var stofnaður til að boða.

Þótt margir kalli það öfgamennsku að vilja ekki aðild að ESB og túlki jákvætt hugarfar með aðild sem frjálslyndi, þá eigum við ekki að láta það slá okkur út af laginu.

Vitanlega óska þess allir að ESB nái sér á strik, vandræðin þar bitna illa á okkur, mjög illa.

Flets bendir til þess að ESB verði eitt sambandsríki, sameiginleg mynt kallar á sameiginlega hagstjórn. Þegar ESB verður farið að stjórna skattheimtu og opinberum útgjöldum sinna aðildarríkja þá er orðið lítið eftir af sjálfstæði þeirra.

ESB er ekki fullkomið, Ísland er heldur ekki fullkomið, við búum í ófullkomnum heimi. En við eigum mikla öguleika ef við nýtum þá. Auðlindir okkar munu sennilega hækka í verði, því sífellt verður meiri skortur á náttúrlulegum matvælum og vatni. Orkan er dýrmæt því hún er umhverfisvæn.

Það er á okkar valdi, hvernig til tekst í efnahagsmálum framtíðar. Við eigum að berjast fyrir okkar þjóð á okkar forsendum.

Það er ekkert annað en uppgjöf að hætta við hálfklárað verk þótt stundum gangi hægt. Við höfum byggt okkur upp á skömmum tíma og það hefur verið dýrt. Einnig er það dýrara að lifa fyrir fámenna þjóð en fjölmenna, það segir sig sjálft.

En þjóðarstolt, sjálfstæðishugsjón, bjartsýni og þor. Það á að vera boðskapur Sjálfstæðisflokksins í aðdraganda næstu kosninga.

Sjálfstæðisflokkurinn getur ekki samþykkt aðild að ESB án þess að svíkja sína upprunalegu stefnu. 

Athugasemdir

[Kristján B Kristinsson 7.11.2012 kl. 13:03]

Heill og Sæll Jón, ég er alveg sammála þér og hef alltaf haldið því fram að þeir sem styði aðild að hverskonar fullveldis framsali  séu ekki Sjálfstæðisfólk og eigi því að velja sér annan vettvang en ekki vera í hlutverki trjójuhestsins.

[Óðinn Þórisson, 7.11.2012 kl. 13:44]

Ef Sjálfstæðisflokkurinn hefur ekki breiðan framboðslista - fólk sem styður aðild að esb eins og Ragnheiður R. gerir mun það einfaldlega minnka fylgið við flokkinn.

[Eyjólfur G Svavarsson, 7.11.2012 kl. 14:09]

Það var mikið haft  fyrir því að öðlast fullveldi á sínum tíma eins og flestir vita. Og haldin var mikil og hátíð fyrir að vera orðin sjáfstæð þjóð. Ég leifi mér að kalla það landráð af þeim sem stefna að ESB, og afsala sér fullveldinu.Og ég og mínir munum ekki kjósa þá.!!!

[Kristján B Kristinsson 7.11.2012 kl. 18:09]

Sæll Óðinn, er Ragnheiður Ríkharðsdóttir ekki bara best geymd í Samspillingunni, hef ekki trú á að hún sópi neinu fylgi að sér.

[Jón Sveinsson, 7.11.2012 kl. 20:51]

Heill og sæll Jón síðuhafi,

Já við eigum að halda og standa á sjáfstæði Íslensku Þjóðarinnar það þarf ekki að afsala Þjóðinni til að vera virkir í samstarfi við aðrar Þjóðir eins og sumir halda við verðum ekki útskúfuð þótt við viljum ekki vera í ESB eins og sumir halda svo mikið er víst.

[Jón Ríkharðsson, 7.11.2012 kl. 22:33]

Heill og sæll Kristján. Mér er illa við að ræða einstaka frambjóðendur en er á þeirri skoðun að Sálfstæðisflokkurinn eigi alfarið að hafna aðild.

[Jón Ríkharðsson, 7.11.2012 kl. 22:36]

Þetta er gott og gilt sjónarmið Óðinn og ég kann ágætlega við Ragnheiði nema að ég er ekki sáttur við skoðun hennar varðandi ESB.

Ég vill að Sjálfstæðisflokkurinn sýni kjark og boði sína stefnu. Það getur verið að það virki ekki vel á einhverjum tímum, en það er aldrei gott að gefa afslátt af sinni stefnu.

Annars vil ég ekki tala illa um ESB sinnanna í flokknum, þau eru góðir vinir mínir og ég kann vel við þau. Þau vita öll mína skoðun varðandi ESB, að öðru leiti erum við sammála.

[Jón Ríkharðsson, 7.11.2012 kl. 22:38]

Sammála þér að mestu leiti Eyjólfur, nema að ég treysti mér ekki til að kalla ESB sinna landráðamenn. Þau telja aðild vera besta kostinn fyrir þjóðina, þannig að þau eru að hugsa um þjóðarhag á sínum forsendum. Ég er ósammála þeim, en vill ekki ráðast á persónur.

[Jón Ríkharðsson, 7.11.2012 kl. 22:41]

Heill og sæll nafni, að sjálfsögðu eigum við að berjast fyrir frelsinu og sjálfstæði þjóðarinnar. Að sama skapi er nauðsynlegt, þroskandi og gott að rækta gott samband við aðrar þjóðir. ESB ríkin eru mikilvæg fyrir okkar utanríkisviðskipti þannig að við eigum að hafa góð samskipti við þau, en alls ekki að sameinast þeim.

Sjálfstæði og fullveldi þjóðarinnar, við berjumst fyrir því nafnarnir með öllum ráðum.

[Ingibjörg Guðrún Magnúsdóttir, 8.11.2012 kl. 10:35]

Sammála þér að öllu leiti Jón og að halda því fram að við verðum ekki þjóð á meðal þjóða ef við göngum ekki í ESB hef ég aldrei geta skilið hjá þessum ESB sinnum...

 Virðing er eitthvað sem við byggjum upp með tíð og tíma og að halda því fram að við séum svo lítil að við eigum okkur ekki sess þar innandyra út í heimi segir okkur allt um þá sem þannig tala, en Sjálfstæði okkar og Fullveldi er ekki eitthvað sem við förum út í búð og kaupum aftur ef því er að skipta og þess vegna er mikilvægt fyrir okkur að halda vel utan um það sem við höfum öðlast og að halda því fram að lausnin á okkar vanda leysist með því að fara í ESB er bara ekki rétt og nægir okkur að líta til ESB landa til að sjá að svo er ekki.

Miðstýring frá Brussel er eitthvað sem er ekki fyrir okkur segi ég vegna landlegu Landsins okkar fagra Ísland og betra fyrir okkur að endurskoða peningastefnu okkar sem og lánaform og setja það í búning sem henntar okkur en að fara í ESB...

Kv.góð

Lánformin í öllu sínu veldi er eitt af því sem ég vil meina að hafi komið okkur í koll og er því betra fyrir okkur að taka á þeim vanda segi ég.

Það yrði okkur til heilla að gera frekað en að ganga í ESB...

[Jón Ríkharðsson, 8.11.2012 kl. 15:04]

Sammála þér Inga mín, get tekið undir allt sem þú segir.

[Bergljót Gunnarsdóttir, 15.11.2012 kl. 01:35]

Þó ég sé langt frá því að fylgja Sjálfstæðisflokknum að flestum málum, er ég alveg fullkomnlega sammála ESB stefnu hans. Það má bara ekki gerast að við göngum í sambandið. Þetta er eins og martröð að fylgjast með.