Hvernig á að losna við uppáþrengjandi netdóna?

Forsaga þessa leiðindamáls er sú, að þann 28. febrúar á síðasta ári birtist í athugasemdarkerfið á þessari síðu, grunnskólakennari að nafni Hilmar Hafsteinsson og hafði í flimtingum hið hræðilega slys sem gerðist á Þingvöllum, þegar Bjarni Benediktsson brann inni í sumarbústað ásamt eiginkonu sinni og ungu barni. Til þess að kóróna hryllinginn ákvað kennarinn að tjá þá skoðun sína, að sniðugt væri að "grilla" mig á Þingvöllum eitthvert vorkvöldið.

Þetta þóttu mér vægast sagt hryllileg athugasemd, en þar sem hann kom ekki aftur þá ákvað ég að gleyma þessu því ég er lítið fyrir það að standa í illindum við fólk. Ég leit svo á að kannski hafi hann verið drukkinn og verið að fíflast eitthvað.

En svo fór hann að mæta aftur á síðuna mína með leiðinda athugasemdir og ég ákvað að loka á hann. Þá birtist hann enn á ný með sama hætti og þeir sem ekki hafa bloggsíður gera. Ég lokaði á þá ip tölu, ekki dugði það, hann birtist með nýja og ég hef ekki tölu á þeim skiptum sem ég hef lokað á hann, alltaf kemur ný ip tala og hann heldur áfram að tjá sig.

Netsambandið úti á sjó er ekki alltaf gott, þannig að ég get ekki framkvæmt allar aðgerðir í tölvunni um borð. Þess vegna hef ég ekki náð að þurrka út síðustu athugasemdir hins uppáþrengjandi grunnskólakennara og nú er svo komið, að ég kann engin ráð til að losna við þennan undarlega mann.

Ef einhver kann ráð til að útiloka svona menn, hvort það er hægt að fá einhverskonar úrskurð þess efnis, að viðkomandi sé einfaldlega bannað að tjá sig á minni síðu þá eru öll ráð vel þegin. Ég einfaldlega þoli ekki þennan mann og kæri mig ekkert um að sjá athugasemdir frá honum.

Hann heldur úti bloggsíðu og þar er honum frjálst að rakka mig niður að vild, einnig getur hann stofnað hóp á Facebook sem hefur það markmið að skíta mig út. Það ergir mig ekki hið minnsta, ég myndi einfaldlega sleppa því að lesa þannig síður.

Ég nenni ekki að standa í illindum við nokkurn mann, en hinsvegar kæri ég mig ekki um að einstaklingur sem ég þoli ekki og vill ekkert með hafa, komi stanslaust á síðuna mína með athugasemdir, þrátt fyrir ítrekaðar lokanir á hinar ýmsu ip tölur.

Vonandi losna ég við hann hið fyrsta, ég nenni ekki að hugsa meira um þennan sérstæða kennara og verði ég laus við hans athugasemdir, þá verð ég sáttur.

Athugasemdir

[Óðinn Þórisson, 12.1.2013 kl. 09:08]

er það ekki bara stekur leikur í stöðunni að bjóða honum heim í kaffi  

[Jón Steinar Ragnarsson, 12.1.2013 kl. 09:47]

Ég myndi kíkja við hjá honum næst þegar þú átt leið á selfoss. Þú gætir svo líka hringt í hann og beðið hann um að tíunda gífuryrðin svona maður á mann. Ef þessi maður er ekki með vottorð upp á vasann að hann sé með Tourette heilkenni, þá brýtur hann allar reglur velsæmis og ætti að tilkynna hann til blog.is. Annað ráð er að kæra hann fyrir meiðyrði. Vilhjálmur Örn hefur líka fengið frá honum fúkyrðaflauminn og óþynnt gyðingahatur, sem varðar við lög.

Ég myndi líka senda vinnuveitendum hans dæmi um málskrúðið og spyrja hvort það sé forsvaranlegt aðmsvona manneskja sé að kenna börnum. Hegðan hans snertir orðstýr stéttarinnar og skólans, svo þeir ættu að taka það nærri sér.

[Hilmar 12.1.2013 kl. 10:26]

Til að fyrirbyggja allan misskilning, þá er ég ekki Hafsteinsson.

En nefndur Hafsteinsson er veikur maður, og það er erfitt að eiga við veika menn. Þú hefur ekki möguleika á að stoppa hann með IP-tölu banni, þar sem hægt er að senda inn efni á fölsuðum IP tölum. Þetta er ómetanlegur kostur þar sem fólk er kúgað af yfirvöldum, en hvimleiður þegar sjúkir menn misnota.

Það kemur að því að umræða um sjúka netdóna verði tímabær, en það er bara ekki komið að því. Fyrir það fyrsta þá er þessi umræðuhefð útbreidd meðal þeirra sem útdeila "réttlæti" eftir hrunið, þó svo að fáir (samt nokkrir) jafn sjúkir í textaskrifum og Hafsteinsson, í öðru lagi þá byggist heill fjölmiðill, DV, á þessu sjúka hugarfari, og dregur til sín lungann af sjúklingunum í kommentaheiminum.

Í eðli sínu er þetta það nákvæmlega sama og einelti í skólum. Gerendur eru yfirleitt fremur andlega illa farnir einstaklingar, sem finna engin önnur ráð en að fá útrás á saklausu fólki. Og því verr sem menn eru andlega farnir, því verr reyna þeir að fara með fórnarlömbin. Hafsteinsson virðist vera afskaplega illa farinn andlega, og ætti að sjálfsögðu að leita sér faglegrar hjálpar. Það er þó vonlítið að hann geri sér grein fyrir því.

Hann er kominn á bragðið, hann sér að hann getur haft áhrif á þig. En þú hefur valið, að henda út kommentum frá honum eða að loka á ummælakerfið. Tæknilega er lítið sem þú getur gert, og tilgangslaust að ræða við lögregluna.

[S i g u r ð u r S i g u r ð a r s o n, 12.1.2013 kl. 10:56]

Sæll, Jón minn, þú ferð bara í „Stillingar“ í stjórnborði og þar er liður sem heitir „Birta athugasemdir“.

Þar getur þú valið um tvennt. að athugasemdirnar birtist strax eða aðeins etir að þú hefur lesið þær. Þessi skýring fylgir með þessari aðferð: „Ef þú velur að samþykkja sjálf(ur), þá færðu tilkynningu í tölvupósti í hvert skipti sem athugasemd er skrifuð ef þú hefur valið að fá tilkynningar. Annars má samþykkja athugasemdir inni í stjórnborðinu á athugasemdasíðum“.

Þar með birtir þú bara þær athugasemdir sem þér þóknast. Fjöldi fólks gerir þetta. Málið leyst.

[Ingibjörg Axelma Axelsdóttir, 12.1.2013 kl. 13:15]

Maður á ekki að gefa tröllum að éta. Þau nærast af athygli. Svo þegar þú svarar honum, eða skrifar um hann bloggfærslur, en lætur jafnframt sem að eineltið af hans hálfu sé ekki að hafa áhrif (sem það er augljóst að það gerir), þá tvíeflist hann.

Láttu sem hann sé ekki til. Þitt val hvort þú lokar á ip töluna hans eða ekki.

Skrif hans eiga að segja meira um hann en þau segja um þig, svo þú skalt bara algerlega sleppa því að svara honum, eða yrða á hann, og þú skalt hvetja gesti þína hér á síðunni til þess að gera slíkt hið sama.

[Jón Ríkharðsson, 12.1.2013 kl. 13:51]

Jú, það væri sniðugt Óðinn, bjóða honum í kaffi og hnallþórur. Hann yrði örugglega hissa, ég veit ekki hvort hann myndi mæta, en sniðug hugmynd:)

[Jón Ríkharðsson, 12.1.2013 kl. 13:57]

Ég ætla að íhuga þessi ráð þín vandlega nafni, það væri vel athugandi að hafa samband við skólastjórann hans og heyra í honum hljóðið. En ég efast um að mig langi til að tala við hann, maður á mann. Satt að segja hef ég mjög lítinn áhuga, eiginlega engan á að ræða við svona einstaklinga.

[Jón Ríkharðsson, 12.1.2013 kl. 13:59]

Þakka þér ábendingarnar Hilmar, eflaust er þeta rétt hjá þér, það er lítið hætgt að gera.

[Jón Ríkharðsson, 12.1.2013 kl. 14:00]

Sæll Sigurður minn, ég er búinn að reyna þetta en það virkar ekki af einhverjum ástæðum. Eflaust geri ég eitthvað vitlaust, enda ekki mjög góður í svona tæknimálum.

[Stokkseyringur 12.1.2013 kl. 14:07]

Ekki trúi ég því að Hilmar sé Kennari ef svo er hefur eitthvað farið framhjá honum í sambandi við einelti eða hann ekki lært heima því flestir skólar eru með ákveðið ferli varðandi einelti (eða var Hilmar að spila töluleik eða að gefa út blað og missti þess vegna af eineltistímunum í Olweus  )

[Jón Ríkharðsson, 12.1.2013 kl. 14:11]

Ætli þetta sé ekki bara rétt hjá þér að öllu leiti Ingibjörg, nema að ég neita því ekki að þessi maður hafi áhrif. Annars væri ég ekki að reyna að losna við hann.

Svona menn eru hluti af mannlífinu og ætli ég fari ekki að þínum ráðum og hunsi hann. Konan mín er leikskólakennari að mennt og starfaði við það í fjölmörg ár. Hún kenndi mér það, varðandi óþekk börn að besta ráðið væri að hunsa þau.

Svona menn eru eins og óþekk börn, tvíeflast við athyglina og þola helst ekki að enginn taki eftir þeim. Ég hafði leitt hugann að þessu, en ákvað samt að vekja athygli á honum, því hann er jú kennari og þess vegna ætti hann að haga sér betur.

Vinkonur konunnar minnar eru margar grunnskóla og leiksskólakennarar, þræ vita allar hvar ég stend í pólitík, því ég fer ekkert dult með það. Þær sem eru pólitískar eru ýmist í VG eða SF. Aldrei ræða þær pólitík við mig og ég ekki við þær. Það er vel hægt að eiga vinsamleg samskipti við fólk sem er á annarri skoðun í pólitík, ein besta vinkona eiginkonunnar var virk í búsáhaldabyltingunni. Við ræðum þessi mál aldrei og það sem mér finnst einkenna þá kennara sem ég þekki, er einmitt kurteisi og næmt innsæi á mannlegt eðli. En það eru greinilega ekki allir kennarar eins vel gefnir.

En þakka þér fyrir Ingibjörg, ég mun hunsa hann í framtíðinni, það þýðir ekkert að loka á svona menn. Maður hefur gott af því að takast á við svona fólk og læra að láta það ekki fara í taugarnar á sér. Hann gefur mér þá tækifæri til að þroskast.

[Ómar Ragnarsson, 12.1.2013 kl. 14:15]

Orðin flugdólgar og fótboltabullur hafa fest sig í sessi og ég held að orðið netdólgur eigi vel við þessa menn.

Líka kemur til greina að nota tvö nýyrði um menn af því tagi sem þú lýsir að ofan og myndu þau tákna tvö stig af þessu fyrirbæri, eftir því hve langt þeir eru leiddir. 

Netbullari: Lægra stigið.

Netbulla: Hærra stigið. 

[Jón Ríkharðsson, 12.1.2013 kl. 14:23]

Hann lítur ekki á þetta sem einelti og í sjálfu sér upplifi ég þetta ekki sem slíkt.

Ég álít þetta miklu frekar þráhyggju, hann hatar Sjálfstæðisflokkinn og er vissulega ekki einn um það og hann telur að honum takist að stoppa mig í að berjast fyrir sjálfstæðisstefnunni ef hann kemur nógu oft.

Konan mín er menntuð í uppeldisfræðum og fyrir mörgum árum sagði hún mér að börn sæju eingöngu málin útfrá eigin hlið upp að sjö ára aldri, að mig minnir. Eftir það þá fara börn að uppgötva að fólk hefur ólíkar upplifanir á hinum ýmsu málum, það hugsa ekki allir eins og þau. Hilmar virðist hafa staðnað í þroska að þessu leiti, hann heldur að hans skoðun sé sú eina rétta og er viss um að honum beri að sannfæra aðra um hana.

Við hin, sem vissulega erum ekki fullkomin, vitum að fólk upplifir hlutina á misjafnan máta, ég er sannfærður um ákveðna stefnu í pólitík en veit að margir eru sannfærðir um að sú stefna er röng, þeir eru sannfærðir um allt aðra stefnu. Ég get virt það og flest hugsandi fólk lærir þetta, að virða skoðanir annarra. En ekki kennarinn margumræddi.

Ætli það sé ekki best að umbera hann og leyfa honum að bulla. Hann tekur þá áhættuna á því, að einhver grafist fyrir um í hvaða skóla hann kennir og geri blaðamál úr því. Honum þætti eflaust óþægilegt að svara fyrir fantasíuna um að vilja grilla mig á Þingvöllum, ef fjölmiðlar færu að forvitnast um það. Allavega þætti foreldrum nemenda hans flestum óþægilegt að vita af þessu.

[Jón Ríkharðsson, 12.1.2013 kl. 14:25]

Góð hugmynd Ómar, enda eru fáir jafnsnjallir í að finna sniðug orð og þú.

[Bassi blámaður 12.1.2013 kl. 14:36]

Hvernig væri bara að hunsa sjálfan sig Jón minn? Flokksdýrkunin er hvort sem er orðin að þráhyggju hjá þér sem enginn nennir að lesa.

Svo gætir þú líka þegið góð ráð hjá illfyglunum á Móafréttum. Þeir eru snillingar í að snúa hlutunum á hvolf :D

[Hversemer 12.1.2013 kl. 16:06]

Ef leitað er að orðinu Móafréttir á blogginu kemur í ljós að Hilmar Þór Hafsteinsson hefur á því sérstakar mætur. "Bassi blámaður" er því enginn annar en barnakennarinn geðstirði.

[Pétur 12.1.2013 kl. 17:44]

Ef þetta sem Sigurður Sig. lagði til virkar ekki, þá er það út af því að þú hefur gleymt að smella á "Vista" (eða "Vista breytingar") eftir að þú hefur valið "Athugasemdir birtast eftir að höfundur hefur samþykkt þær".

Að loka á IP-tölur virkar ekki ef sá sem sendir inn athugasemdir er með í tölvunni sinni forrit á við Easy Hide IP, Hide_IP-Browser, RealHideIP eða Hide-My-Ass.

[Sandy, 12.1.2013 kl. 19:00]

Ég hef ekki verið inni á bloggi nokkuð lengi svo ég vil byrja á að óska ykkur öllum gleðilegs árs. Undanfarið hef ég verið að heyra um að fólk sé að hreyta í aðra miður kurteisislegnum athugasemdum. Þar sem ég veit ekki nákvæmlega um hvað málið snýst vil ég aðeins segja að þeir einstaklingar sem ekki geta skrifað af kurteisi jafnvel þó þeir séu ekki á sama máli og aðrir þeir sem eru að skrifa, ættu að hugsa sig tvisvar um, hugsandi fólk og fólki sem finnst gaman að taka þátt í umræðum á málefnalegum grunni lítur ekki á skrif sem níða aðra niður sem marktæka eða gáfulega umræðu ekki einu sinni þó um pólitíska umræðu sé að ræða. Það er til meiðyrðalöggjöf í landinu og svo má einnig hugsa til þess að bæði börn og unglingar lesa oft yfir bloggið og hvernig er þá hægt að réttlæta það hvernig fullorðið fólk skrifar um aðra, ef við erum á sama tíma að  reyna að kenna börnum okkar og unglingum að vera kurteis við aðra. Mér finnst að allir þeir sem eru þess meðvitaðir að hafa skrifað níð um annað fólk á umliðnum mánuðum ætti að biðjast afsökunar og taka þess í stað upp háttvísari umræðu hvort sem umræðan er persónuleg eða þjóðfélagsleg, ekki veitir þjóðinni af heilsteyptari umræðu um þau vandamál sem þjóðin er í og á kannski eftir að versna.

                                                                                                                                                                                                                                                                              Með kærri kveðju.

[Jón Ríkharðsson, 12.1.2013 kl. 19:21]

Rétt Hversemer, þetta er enginn annar en grunnskólakennarinn og lífskúnsterinn Hilmar Þór Hafsteinsson. Ég hef trú á því að hann sé mikill sjálfstæðismaður í sínu hjarta, en þorir ekki að viðurkenna það.

Aðdáun hans á mér birtist í nafninu sem hann ritar undir um þessar mundir "Bassi blámaður". Hilmar er glöggur og skarpsýnn, enda kennari með mikla reynslu, verður sexugur á næsta ári. Hann veit sem er, að ég hef gengið undir gælunafninu "Bassinn", það er víst vegna þess að ég þyki hafa djúpa rödd.

Ég er bara mjög glaður með að eiga svona einlægan aðdáanda, þetta er einhver öfund hjá honum því hann þorir ekki að gangast við því að vera sjálfstæðismaður og svo hefur hann örugglega mjög skræka og skerandi rökk, þess vegna skreytir hann sig með bassanafninu. Ég er bara orðinn nokkuð ánægður með kennarann, hann hefur kennt mér að gefast ekki upp og halda ótrauður áfram að blogga, hvað sem á dynur í athugasemdarkerfinu. Vonandi kemur hann sem oftast, ég veit þá að mér tekst vel til þegar mestu gífuryrðin koma frá honum.

[Jón Ríkharðsson, 12.1.2013 kl. 19:22]

Ég fann ekkert í stjórnborðinu sem stóð á "vista" eða "vista breytingar", ég þarf að skoða það betur Pétur. En þakka þér fyrir ábendinguna.

[Jón Ríkharðsson, 12.1.2013 kl. 19:24]

Sammála því sem þú bendir á Sandy og ég óska þér að sjálfsögðu líka gleðilegs árs.

[Bassi blámaður 12.1.2013 kl. 19:54]

Ef þetta sem Pétur lagði til virkar ekki gætir þú prófað að senda flöskuskeyti Jón minn. Sjópósturinn ætti að vera hættulaus fyrir þig ;)

[Rafn Guðmundsson, 12.1.2013 kl. 20:07]

þú hefur nú fengið nokkrar ráðleggingar hérna – bæði góðar og vondar – mitt er að birta annað hvort öll komment eða engin. að birta bara komment sem eru þér þóknanleg er lítilmannlegt/aumt. komment „veikra“ bloggara verða strax öllum ljós og eru sennilega ekki lesin

[örn 12.1.2013 kl. 20:34]

Ógeðslegt að sjá kennara leggja mann í einelti

[Jón Steinar Ragnarsson, 12.1.2013 kl. 21:40]

Þú verður að skrolla alveg niður eftir að þú hefur gert breytingar. Vistunarhnappurinn er alveg neðst á síðunni. Allavega síðast þegar ég vissi.

[Sveinn Zophoniasson 12.1.2013 kl. 23:30]

Sæll enn og aftur minn kæri skipsfélagi,:essi skrif ættir þú ekki að taka mjög alvarlega, allavega ekki með það í huga að öll þín skrif héðanaf hafa verið í anda heilaþvottar(það má enginn andmæla þér ) Þú mátt hafa allar þínar skoðanir á sjálfstæðisflokknum , en í guðs bænum hættu þessari dýrkun ,eins og ekkert sé til í heimi hér annað en Bjarni Ben og N1 Þú ert væntanlega eins og ég að borga aðeins hærri skatta nú en fyrir hrun kæri Jón ,skoðaðu það aðeins með velvilja , og hættu svo að alhæfa eins og enginn sé morgundagurinn .

[Sveinn Zophoniasson 12.1.2013 kl. 23:41]

PS Jón þarftu aðstoð þegar kemur að barnauppeldi? það kemur mér á óvart ,maður með allar þessar skoðanir og lausnir á öllum málefnum!

Ég held að þú sért ekki á réttri braut

[Jón Ríkharðsson, 12.1.2013 kl. 23:44]

Ég þakka þér fyrir þína athugasemd Rafn, en hræddur er ég um að þetta standist ekki alveg hjá þér.

Tvo bloggara get ég nefnt sem eru talsvert lesnir, nafnar mínir Jón Valur Jensson og Jón Magnússon. Jón Valur hefur útilokað menn og Jón Magnússon gerir eins og margir hafa ráðlagt mér, birtir athugasemdir eftir að þær hafa verið lesnar.

[Jón Ríkharðsson, 12.1.2013 kl. 23:47]

Ég upplifi þetta eiginlega ekki sem einelti Örn, Hilmar eða Bassi blámaður, eins og hann vill kalla sig núna, hann er alveg hættur að ergja mig. Ég er farinn að hafa gaman af honum, þetta er kynlegur kvistur í kennarastétt, það eru víst ekki margir grunnskólakennarar eins og hann. Svona fuglar lita gráma hversdagsins.

[Sveinn R. Pálsson, 12.1.2013 kl. 23:53]

Spurning hver er netdóninn í þessu máli. Hér í athugasemdum er skeggrætt um það, að vega skuli að atvinnu Hilmars, sem er afar gróf aðdróttun. Atvinnufrelsi manna er verndað í stjórnarskránni, sem sýnir hversu mikils atvinna manna er metin, enda grundvöllur lífsafkomunnar.

Mér tókst að finna nokkrar athugasemdir Hilmars á þessu bloggi og sá ekki betur en þær væru góðar og hnyttilega skrifaðar og engan veginn ósiðlegar.

[Jón Ríkharðsson, 13.1.2013 kl. 00:01]

Svenni, minn kæri gamli skipsfélagi. Oft gátum við rætt saman í denn og við skildum ágætlega hvern annan, ég geri ráð fyrir að það hafi ekki breyst. Ég ætlaði alltaf að hringja í þig, ætli ég geri það ekki þegar ég kem í land.

Ef þú lest allt sem ég skrifa þá muntu komast að því að þetta er ekki alveg rétt ályktað hjá þér. Það hefur enginn, hvorki ég né nokkur annar lausn á öllum málum. Ég boða jú ansi stíft sjálfstæðisstefnuna, en ekki hef ég alltaf verið ánægður með Sjálfstæðisflokkinn og er það ekki að öllu leiti í dag. Mér finnst forystan eiga erfitt með að ná sambandi við þjóðina og kjörnir fulltrúar Sjálfstæðisflokksins eru oft ansi klaufalegir í orðavali.

Ef ég væri mjög glaður með Sjálfstæðisflokkinn, að öllu leiti, þá væri ég hvorki að blogga, skrifa greinar né heldur að taka þátt í starfi flokksins. Ég er, ásamt öðrum, að reyna að bæta flokkinn og halda honum við stefnuna. Þegar ég segi að Sjálfstæðisflokkurinn hafi staðið sig best allra flokka, þá þýðir það ekki að ég sé að hefja flokkinn upp til skýjanna. Við erum ungt lýðveldi og efnahagsmálum´hefur ekki verið nógu vel stjórnað, hvorki af sjálfstæðismönnum né öðrum.

Ég sé engan flokk sem staðið hefur sig betur en Sjálfstæðisflokkurinn hefur gert, en það þýðir ekki að hann sé fullkominn og þess virði að hefja hann upp til skýjanna. Oft hefur hann farið á svig við sína stefnu og gert fjölmörg mistök, það hef ég oft tekið fram. Á Pressuna skrifaði ég pistil þar sem ég hvatti forystu flokksins til að ræða á opinskáan hátt við þjóðina, viðurkenna mistök osfrv. Sá pistill var ekki skrifaður til að upphefja flokkinn. Það er sjálfstæðisstefnan sem ég berst fyrir, það gerist mjög sjaldan að ég fjalli um persónur eða hefji þær upp til skýjanna enda leiðist mér persónudýrkunalmennt.

Svo á þessu bloggi skrifaði ég, fyrir tveimur árum að mig minnir, pistil sem heitir "Handónýt ríkisstjórn og slöpp stjórnarandstaða" þar var sjálfstæðis mönnum ekki hrósað.

[Rafn Guðmundsson, 13.1.2013 kl. 00:06]

þá er valið einfallt fyrir þig - þú birtir bara komment sem eru þér þóknanleg eins og jón valur og jón m

[Jón Ríkharðsson, 13.1.2013 kl. 00:09]

Þú hefur greinilega ekki fylgst með umræðunni Sveinn R. Pálsson, lestu ofnaritaðan pistil og þá sérðu hvað mér þótti ósemkklegt við málflutning Hilmars, hinum verstu athugasemdunum hefur verið eytt sem hann skrifaði nýlega, þótt þær fjalli reyndar ekki um að grilla fólk, hann hefur skánað heilmikið ég viðurkenni það.

Nema að þér finnist smekklegt að telja það sniðugt að kveikja í fólki?

[Anna Sigríður Guðmundsdóttir, 13.1.2013 kl. 01:44]

Jón. Ekki hef ég hugmyndaflug til að ráðleggja öðrum hvernig þeir eiga að losna við þá sem þeir kalla dólga.

Ég get bara sagt hvað ég sjálf myndi vilja gera í svona stöðu, og það er að reyna að skilja viðkomandi út frá þeim stað sem hann er. Það hefur aldrei skemmt fyrir mér að rökræða við þá sem mér finnst í upphafi næstum ómögulegt að botna í.

Alltaf hef ég lært og þroskast mikið af að hlusta á, og rökræða við þá sem eru ólíkir og ósammála mér.

Það verður hver og einn að finna farveginn fyrir skilning og umburðarlyndi. Skilyrðislaus náungakærleikur, umburðarlyndi og skilningur á umræðum/rökræðum hefur oftast skilað góðu.

Það þarf virðingu fyrir náunganum og ólíkum skoðunum, til að ráða við slík verkefni. Mér gengur þetta oft illa, en hef það á stefnuskránni að gefast ekki upp. Hænufetin eru drjúg, í langhlaupi lífsins upp í móti.

M.b.kv.

[Anna Sigríður Guðmundsdóttir, 13.1.2013 kl. 01:59]

Jón. Tek fram að ég skil að þér ofbjóði það, að sumir hafi brunaslys og dauðsföll að einhverskonar fyndni. Mamma mín brann inni, og ekki liði mér vel ef einhver væri að gaspra um það á blogginu. Svona er lífið, og afskaplega tillitslaust og vanþroskað að hæðast að slysum á blogginu, hvern sem um er að ræða.

M.b.kv.

[Sveinn R. Pálsson, 13.1.2013 kl. 10:20]

(Svar við nr. 33:) Orðalagið að grilla einhvern er notað um það að sigra einhvern í keppni. Nota sjálfur þetta orð oft, t.d. í leikjum við krakkana mína.

Aftur á móti er alvarlegt að hafa í hótunum um að ætla að reyna að svipta einhvern atvinnunni, eins og nefnt hefur verið hér í athugasemdum, að þið hyggist gera. Atvinnan er jú grundvöllur lífsafkomunnar.

Hef heyrt að þau vinnubrögð hafi tíðkast áður fyrr, að menn hafi misst vinnu sína fyrir að styðja ekki Sjálfstæðisflokkinn, en það hafi verið aflagt fyrir löngu, þó vitað sé að menn fá ekki frama í þjóðfélaginu nema styðja flokkinn.

Hér hafa menn því farið langt yfir strikið, með því að skrifa að hann sé sjúklingur og annað, og sérstaklega þetta, að hafa uppi hótanir um að reyna svipta hann atvinnunni.

[Jón Ríkharðsson, 13.1.2013 kl. 12:48]

Þakka þér fyrir Anna mín Sigríður. Ég tel mig umburðarlyndan, en það er ekki allir sammála því enda skoðanir fólks ekki eins þegar kemur að því að skilgreina umburðarlyndi.

Ég sýni umburðarlyndi með því að hafa ekki upphaf að þrætum, leyfi fólki að vera í friði með sínar skoðanir osfrv.

Hinsvegar ef fólk kemur með athugasemdir á mína síðu og mér finnst þær ómálefnalegar, þá hef ég svarað fyrir mig og stundum verið ansi pirraður.

En ég geri ráð fyrir að fara að hætta því, það hefur ekkert upp á sig.

[Pétur 13.1.2013 kl. 13:56]

Þetta með að lesa yfir athugasemdir áður en þær eru birtar er gott þegar tilefni gefst vegna ítrekaðs dónaskapar eða til að forðast dónaskap í umræðum um viðkvæm mál. Ef athugasemdin er í lagi, þá ætti að birta hana. Hins vegar hef ég rekið mig á, að sumir bloggarar birta heldur ekki kurteisislegar athugasemdir, ef sá sem skrifar athugasemdina:

1. er ósammála bloggsíðuhöfundi
2. er ekki persónulegur vinur bloggsíðuhöfundar
3. veit meira um hlutina en bloggsíðuhöfundur

Nýlega hafa mínar athugasemdir í tveimur tilvikum haldist óbirtar, annars vegar vegna þess að ég var á öndverðum meiði við skoðanir höfundarins, en setti það fram á kurteisan hátt, hins vegar vegna þess að ég gaf upplýsandi svör við spurningu sem höfundur setti fram, en sem hann greinilega hafði ekki viljað fá svar við.

Svo eru enn aðrir sem aðeins vilja fá athugasemdir frá skráðum notendum, sem útilokar strax um þriðjung af þeim sem hafa eitthvað til málanna að leggja. Í einstaka tilfellum eru bloggsíðuhöfundar, sem vilja ekki einu sinni að fólk utan ákveðins hóps fái að lesa bloggið þeirra, hvað þá lesa athugasemdir. Þetta á t.d. við um ónafngreinda öfgafemínista.

Verst er þegar athugasemdum er eytt af ástæðum 1 - 3 sbr. listann fyrir ofan. Hins vegar hafa allir fullan rétt á því að eyða út eða neita að birta athugasemdir sem þeim finnst svívrðilegar eða dónalegar. Vandamálið er að mismunandi einstaklingar skilgreina dónaskap á mismunandi vegu. En kurteisisleg og málefnaleg gagnrýni getur aldrei verið dónaskapur og eins geta tilefnislausar árásir, lygar og rógburður aldrei verið málefnaleg.

Ég hef oft á tíðum verið með bloggsíðu, sem ég hef lokað sjálfur vegna þess að ég fékk ónógar athugasemdir og ónógar heimsóknir. Þeas. boðskapur minn breiddist ekki út nógu vel. Samt hafði ég hjá mér athugasemdarkerfið alveg galopið. Séð í því ljósi geta þeir færsluhöfundar sem drukkna í alls konar athugasemdum prísað sig sæla, að mínu áliti. Hins vegar hef ég lítið álit á þeim (sem betur fer fáu, en samt of mörgu) sem reglulega útiloka þá sem ekki eru á sama máli og þeir sjálfir. Það ber merki þess, að viðkomandi bloggsíðuhöfundur hafi veikan eða vondan málstað og getur ekki varið hann með rökræðu.

[Pétur 13.1.2013 kl. 13:59]

Það átti að standa: "... sem vilja ekki einu sinni að fólk utan ákveðins hóps fái að lesa bloggið þeirra, hvað þá skrifa athugasemdir."

[Pétur 13.1.2013 kl. 14:09]

Svo getur dæmið snúizt við. Fyrir nokkrum árum skrifaði ég athugasemd við færslu, þar sem nafngreindir karlmenn voru rakkaðir niður og hæddir með myndbirtingum og alles. Athugasemd mín gekk út á það að ég hæddist að þeirra framsetningu, sem var ofstækisfull.

Konan, sem átti þessa síðu og sem hafði leyft femínískum kynsystrum sínum í heykvíslahjörðinni óheftan aðgang til að bæta við óhróðurinn, brást ókvæða við, eyddi út minni athugasemd og lokaði á mig og tölvuna mína til frambúðar.

Talandi um að kasta grjóti úr glerhúsi ...

[Jón Ríkharðsson, 13.1.2013 kl. 14:40]

Þakka þér fyrir þína athugasemd Pétur, ég er sammála því sem þú segir.

Ástæðan fyrir því að ég hef haft opið athugasemdarkerfi er sú, að mig langar til að skiptast á skoðunum við fólk og fræðast. Ég hef ekki höndlað sannleikann frekar en nokkur maður. Ég óttast ekki andsvör og heldur ekki rökræður.

En ég kalla það ekki rök, þegar menn eru að fantasera um mína persónu, sem þeir þekkja ekki neitt. Það tekur ansi langan tíma fyrir flesta að kynnast sjálfum sér til fulls, þannig að ólíklegt er að ókunnugir hafi hugmynd um hvaða mann ég hef að geyma.

Þetta neð rökræðuna, ég beinlínis kalla eftir henni. Þú getur fundið færslu á þessari síðu, sem´heitir "Hinir virku í athugasemdum", hún er síðan í desember ef ég man rétt. Þar rifja ég upp rökræðu sem ég átti við mann, var ósáttur við að hann skyldi hafa látið sig hverfa og ekki brugðist við mínum mótrökum.

Svo birti ég hana á Facebook til að ná til mannsins. Það skemtilega er, að þessi maður kom með athugasemd og mótrök við mínum, þar sem hann m.a. kvaðst gruna mig um að vilja ekki að skilaboðin næðu til hans. Mér fannst það svolítið sérstætt, þar sem ég setti þetta á netið, en við vitum að Ísland er lítið land og ef ´þú nafngreinir einhvern þá er það nær öruggt að hann komist að því. Mér þóttu þetta skemmtilegar rökræður sem ég hefði gjarna viljað klára. En hann var greinilega ekki tilbúinn til þess. Umræddur maður má eiga það, að hann kemur með skýr rök sem hægt er að bregðast við, fleiri mættu gera það. Þá er gaman af rökræðunni, en að svara fyrir einhverja galla sem menn telja vera í mínu fari, því nenni ég ekki og huglægt mat sem vonlaust er að rökræða, ég nenni því ekki heldur.

[Bassi blámaður 13.1.2013 kl. 15:33]

Eftirfarandi eru nokkur nýleg dæmi um skrif Jóns Ríkharðssonar:

„Fyrir tæpu ári síðan birtist argasti netdóni sem ég hef kynnst.

Ekki var ég að ergja mig mikið á þessum ummælum, þau voru mjög ósmekkleg, en ég taldi andlega vanheilan mann á ferð, sem vissi ekkert um hvað hann væri að tala.

Svo birtist kvikindið aftur og þykist vilja þagga niður í mér og þeim sem hafa sömu stjórnmálaskoðanir og ég.

Hann starfar við kennslu barna og það er alvarlegt mál þegar menn í slíkri stöðu haga sér með þessum hætti.

Áður en ég ritaði þennan pistil skrapp ég upp á Krókháls og gaf rannsóknarlögreglunni upplýsingar um þennan mann, ef ske kynni að hann héldi áfram að áreita fólk í netheimum og gerði jafnvel eitthvað verra af sér. Rannsóknarlögreglan hefur mynd af honum, sem ég prentaði af heimasíðu skólans sem hann starfar og afrit af blogginu sem hann gerði athugasemdir við.

En þessi maður þarf víst að lifa við það, að ef eitthvað óhapp hendir mig, þá verður hann efstur á lista grunaðra, jafnvel þótt hann sé ekki ofbeldishneigður að eðlisfari.

Að lokum óska ég þess að kennarinn dónalegi sjái að sér og láti fólk í friði. Hægt er að virða andúð á Sjálfstæðisflokknum en það getur enginn sætt við við og það á enginn að sætta sig við, óþverralegan og rætin ummæli frá manni, sem treyst er fyrir kennslu ungra barna. Næsta skref hlýtur að vera að ræða við skólastjórann hans, ef hann lætur ekki segjast.

Hilmar, þú ert sjúkari en ég átti von á.

Í síðasta pistli sagði ég frá manni, sem sýndi einstaka ósvífni í sínum athugasemdum og lét þess getið að hann starfaði við kennslu barna.

Við eigum ekki að líða dóna eins og Hilmar og fleiri.

Hilmar Hafsteinsson hinsvegar þekkir engin mörk.

Ég ætla að íhuga þessi ráð þín vandlega nafni, það væri vel athugandi að hafa samband við skólastjórann hans og heyra í honum hljóðið.

Ætli það sé ekki best að umbera hann og leyfa honum að bulla. Hann tekur þá áhættuna á því, að einhver grafist fyrir um í hvaða skóla hann kennir og geri blaðamál úr því. Honum þætti eflaust óþægilegt að svara fyrir fantasíuna um að vilja grilla mig á Þingvöllum, ef fjölmiðlar færu að forvitnast um það. Allavega þætti foreldrum nemenda hans flestum óþægilegt að vita af þessu.“

Svo þykist FLokksdóninn Jón Ríkharðsson ætla að hafa forgöngu um baráttu fyrir bættri umræðuhefð á netinu!

Í öllu falli er ljóst að það er þægilegast fyrir FLokksmenn að halda úti lokuðu áróðursbloggi fyrir sérvalda blámenn. Þá geta þeir loksins bullað um pólitík og fært umræðuna niður á lægsta plan.

[Sveinn R. Pálsson, 13.1.2013 kl. 16:40]

Ég hef fylgst með moggablogginu frá árinu 2008. Oft takast menn á af nokkurri hörku hér á blogginu og oft hafa menn lokað á aðra og notað ýmis óviðeigani ummæli. Aftur á móti mynnist ég þess ekki að ráðist hafi verið á viðmælanda með þeim hætti sem hér er gert, þ.e. að atvinna hans sé dregin inn í umræðuna og gefið í skyn að menn hyggist hafa áhrif á hans starf. Þetta er alveg nýtt og grófara en ég hef séð öll þessi ár.

Þar sem síðuhafi er jafnframt þingmannsefni tiltekins stjórnmálaflokks verður málið enn alvarlegra. Ekki verður séð að þingmannsefnið hyggist draga nokkuð í land í sínum málflutningi, en ég vænti þess að hann komi hér inn með athugasemd þar sem hann dregur þetta til baka og biðst afsökunar, þá yrði hann maður af meiri.

[Hversemer 13.1.2013 kl. 18:29]

Ágæti Jón.

Þó illt sé að fá annan eins dóna og rummungskjaft upp á móti sér og hinn vanstillta kennara sem skrifar hér undir dulnefninu "Bassi blámaður" er þó huggun í því að hann verður eflaust eins og smjer við börnin á Stokkseyrarbakka þegar hann kemur til kennslu á mánudaginn, blíður og velviljaður, búinn að fá útrás fyrir gremju sína og ruddaskap. Þú huggar þig við það að þú ert að bera krossinn fyrir blessuð börnin.

[Marteinn Sigurþór Arilíusson, 13.1.2013 kl. 20:54]

Ég skora á þig Sveinn R Pálsson að skoða blogg frá 28 febrúar 2012 Hjá Jóni Ríkharðssyni og komment nr. 3 við því bloggi og segðu okkur álit þitt á því.

[Jón Ríkharðsson, 13.1.2013 kl. 21:53]

Hversemer, mér er farið að þykja gaman að honum, hann er greinilega mjög hugfanginn af mér, notar nafnið "Bassi", en margir hafa kallað mig því nafni. Það er eiginlega allur vindur farinn úr honum, hann gerir ekkert annað en að endurrita það sem ég hef skrifað.

Kannaki heldur hann að hann sé ég? Það er ekki nógu gott því ég yrði afleitur kennari, er mjög óþolinmóður og skapbráður að eðlisfari. Ég á það til að verða of reiður þegar mér finnast menn fara með þvætting, en ég hinsvegar hef sýnt Hilmari mikla þolinmæði. Það hefur virkað þannig að hann er að breytast í mig, ég hef ekki bara verið kallaður Bassi, heldur er ég sannarlega blámaður.

[Jón Ríkharðsson, 13.1.2013 kl. 22:06]

Þú ert ansi bjartsýnn Marteinn, að telja þig geta rætt á þessum nótum við hann Svein R. Pálsson. Ég hef það fyrir satt að hann sé flinkur í ýmiskonar tæknivinnu, en það er afskaplega erfitt að rökræða við hann. Skoðanir hans eru svona öðruvísi en hjá flestum.

Hann finnur örugglega eitthvað fallegt við þessa athugasemd sem þú nefnir, því sá sem setti hana fram er reiður út í Sjálfstæðisflokkinn. Þú sérð hvað hann fylgist vel með umræðunni, sem hann tekur sjálfur þátt í, þegar hann heldur að ég sé þingmannsefni fyrir Sjálfstæðisflokkinn.

Það skoruðu margir á mig, að gefa kost á mig til þingstarfa og ég ákvað að slá til. Þár sem ég fer oft nýjar leiðir, þá tilkynnti ég það á síðasta landsfundi. Hilmar fann þá stuttu ræðu (ef hægt er að tala um ræðu, þetta var svona meira stutt tilkynning) og honum finnst þetta fyndið. Það er svosem í lagi, ég er ekkert viðkvæmur fyrir því, en hann taldi sig koma höggi á mig þarna. Ástæðurnar fyrir því að ég dró framboðið til baka eru mjög margar, m.a. vegna þess að mig langar ekkert á þing vegna þess að umræðan á þingi er ekkert skárri en í netheimum og það er ekki spennandi að starfa í þannig umhverfi.

En kannski taka þeir félagar sig til, Hilmar og Sveinn og kæra mig fyrir meiðyrði eða mannorðsníð. Mér þykir það satta að segja spennandi og skemmtileg tilhugsun, að svara fyrir mín skrif. Í þeirra huga er ég sá seki, það er alltaf gaman að sérstökum skoðunum og athyglisvert að sjá hvernig dómsstólar tækju á þeim félögum, hafi þeir áhuga á að kæra mig.

En þú tekur væntanlega eftir því, að Hilmar endurritar aðeins mín ummæli, hann endurritar ekki sín eigin. Það bendir til þess að hann er að breytast í mig, smátt og smátt. Elvis Presley og fleiri stjörnur hafa fengið svona ákafa aðdáendur, en ég býst við að verða fyrsti bloggarinn sem hlýt þennan heiður.

Mér finnst það skrítið, því ég er ósköp venjulegur sjómaður sem blogga og skrifa greinar, ekki til að boða sannleikann heldur til að leita hans og vitanlega brejast fyrir þeirri stefnu sem ég tel vera þá bestu.

[Óskar Helgi Helgason 13.1.2013 kl. 22:16]

Komið þið sæl; Jón - og aðrir gestir, þínir !

Finnst ykkur nú ekki; sem nóg sé skrafað, um hríð ?

Vitaskuld; hljóp stórfrændi minn, af Gamla Hrauns ætt - Hilmar Þór Hafsteinsson illilega á sig, í Febrúarlok 2012, hér á þinni síðu, og nú nýverið aftur, en skulum við ekki gefa honum tóm til, að rifa sín Segl, á Útmánuðunum, að nokkru ?

Hversemer !

Vinsamlegast athugaðu; Stokkseyri og Eyrarbakki, heita mínar uppeldisstöðvar við ströndina - og hvorki hæfir þér, né öðrum neinum, að upphefja sjálfa/n þig, á þeirra kostnað, með ómerku orða skenzi, þínu.

Matti minn (Marteinn Sigurþór) !

Hins vegar; svona, áður en við hittumst á næstunni, vildi ég hvetja ykkur báða - stórvini mína; Jón Ríkharðsson og þig, til þess að snúa baki við hinum And- íslenzka forarpytti og óþverra, sem með röngu er kenndur við sjálfstæði, sem sá flokkur jú var að sönnu, undir handleiðzlu Jóns Þorlákssonar, og þeirra Ólafs Thors reyndar, hér fyrrmeir.

Sveinn Rosenkrantz Pálsson !

Marga Hildina; höfum við háð - ég og þú, og eigum eflaust enn, hugmyndafræði lega, en vona skulum við, að þeir Hilmar Þór og Jón síðuhafi, nái farsælli lendingu, í þessum málum, öllum.

Með beztu kveðjum; sem oftar, úr Árnesþingi / 

     

[Marteinn Sigurþór Arilíusson, 13.1.2013 kl. 22:22]

Takk fyrir þetta Jón.Ég hef svosem tekið eftir því að það er ekki hægt að rökræða við Svein.En ég er þannig gerður að ég vil trúa að mannskeppnan geti tekið rökum og viðurkennt ef hún hefur rangt fyrir sér.Varðandi komment nr 3 sem ég minntist á finnst mér það bara lýsa óþverahætti þess sem það ritaði.Ég hef talsvert fylgst með blogg færslum þínum og finnst þær yfirleitt mjög góðar og held ég að þú værir prýðilegur þingmaður.Svo vona ég að þið hafið það gott á sjónum og að þið fiskið vel.

[Sveinn R. Pálsson, 13.1.2013 kl. 22:37]

Það er ámælisvert að í þræði um bætta samræðu á netinu, skuli vera ráðist þannig að manni, að hann er sagður (geð)veikur, hugsanlega með alvarlegan taugasjúkdóm og að rétt sé að koma honum úr starfi sínu. Þetta er alvarlegra en flest það er ég hef séð á netinu og ég furða mig á því að menn sem svona skrifa telji sig tala fyrir bættri umræðumenningu.

---------------- 

(Svar við 45:) Umrædd athugasemd er ágæt að mínu mati, eða er eitthvað athugavert við hana?

"Jón Ríkharðsson, 28.2.2012 kl. 20:20: Ertu ekki örugglega að tala um hann Bjarna Ben sem græddi á daginn og var svo grillaður á Þingvöllum um kvöldið? Þú getur ekki átt við N1 Bjarna Ben sem tapaði Vafningslaust milljörðum á daginn og grillaði svo pylsur í Garðabænum á kvöldin í húsinu sem hann byggði fyrir milljónahundruðin sem hann bísaði út á innherjaupplýsingarnar hjá Glitni.

Það fer annars vel á því að þið FLokkstittirnir, þú og Göngu-Hrólfur, dundið ykkur við að rita lygasögur í sandinn. "

[Bassi blámaður 13.1.2013 kl. 23:10]

FLokksdóninn Jón Ríkharðsson er eindreginn stuðningsmaður erki-grillmeistarans Hannesar Hólmsteins Gissurarsonar. Í Pressupistli sínum,"Fræðimaður og kennari á daginn, besserwisser á kvöldin", glefsar JR í hælana á Stefáni Ólafssyni prófessor við HÍ - að Hannesarsið:

„Sjálfur er ég eindreginn og harður frjálshyggjumaður, skráður í frjálshyggjufélagið og Sjálfstæðisflokkinn og ég er ekki bara skráður í flokkinn heldur sit ég í æðstu stofnunum hans, flokksráði, fulltrúaráði og miðstjórn.(!) Samkvæmt skilningi Stefáns ætti ég að vera stöðugt að véla um fjármuni og hjálpa mönnum að verða ríkir til þess að hagnast á því sjálfur, því frjálshyggjumenn eru jú svo gráðugir að hans mati.

Ef frjálshyggjumenn eru gráðugir í fé, hvers vegna eru boðberar hennar þá ekki ríkari en raun ber vitni? Varla telst Hannes Hólmsteinn auðugur af fé(?!), Milton Friedman komast aldrei á lista ríkustu manna osfrv. Lífið snýst um svo margt fleira en peninga. Segja má með sanni um peninga, að þeir eru nauðsynlegir og góðir þjónar en stórhættulegir stjórnendur.“(!)

Nei, lífið snýst sannarlega um annað en peninga hjá HHG, enda hefur hann átt óheftan aðgang að matarholum FLokksins um langt árabil. Í því sambandi skoðast eftirfarandi:

„Árið 2007 tók Árni M. Mathiesen, þáverandi fjármálaráðherra, ákvörðun um það að verja 10 milljónum króna úr ríkissjóði í athugun á áhrifum skattalækkana. Ráð var fyrir því gert að athugunin næði til samfellds stjórnartímabils Sjálfstæðisflokksins frá 1991 fram til ársins 2004.Verkefnið skyldi prófessor Hannes Hólmsteinn Gissurarson, flokksbróðir fjármálaráðherrans, annast og var það sérstaklega tekið fram í verksamningi. Formlega áttu þó milljónirnar 10 að renna til Félagsvísindastofnunar Háskóla Íslands. Ljóst er að umtalsverðra annarra fjármuna var einnig aflað til verkefnisins, meðal annars hjá Landsbanka Íslands.

Doktor Hannes Hólmsteinn skilaði fjármálaráðuneytinu 80 blaðsíðna lokaskýrslu um verkefnið í nóvember 2009, liðlega ári eftir bankahrunið. Hún bar heitið Skattar og velferð á Íslandi 1991 til 2007.

Það verður að teljast sérkennilegt við umræddan samning að löngu áður, eða í febrúar árið 2006 setti Árni M. Mathiesen á fót nefnd undir formennsku Friðriks Más Baldurssonar, hagfræðings, sem fjalla átti um skattamál. Í nefndinni sátu auk hans 8 sérfræðingar og hafði nefndin sérstakan starfsmann. Hún skilaði 100 blaðsíðna skýrslu um Íslenska skattkerfið –samkeppnishæfni og skilvirkni í september 2008, stuttu fyrir bankahrunið.(!)

Stefán Ólafsson prófessor brást við upplýsingum um styrki fjármálaráðuneytisins með eftirfarandi hætti:

„Ég er furðu lostinn yfir því að Hannes Hólmsteinn Gissurarson skuli hafa fengið 10 milljónir króna frá fjármálaráðuneytinu auk mikilla fjármuna frá einkaaðilum til þess að reka áróður og blekkingar um skattamál. Þegar skýrslan sem hann skilaði ráðuneytinu er skoðuð kemur í ljós skelfileg hrákasmíð þar sem saman fara vísivitandi ósannindi, afbankanir staðreynda og stórtækar ófrægingar um verk og persónur annarra. Hannes Hólmsteinn tilkynnti mér reyndar snemma á árinu 2007 að ákveðið hefði verið á fundi að fara í víðtæka herferð gegn skrifum mínum um skatta og aukinn ójöfnuð til þess að vernda arfleifð Davíðs Oddssonar. Nú er komið í ljós að mikið fé,sennilega milljónatugir, var lagt í þessa herferð. Markmiðið var að freista þess að jarða þær staðreyndir sem ég lagði fram. Þetta er auðvitað einstakt í opinberri stjórnsýslu og í háskólasamfélaginu.“

Auðvitað brást HHG við með óhróðri og persónuníði um Stefán Ólafsson og má reyndar sjá á hrafnasparki FLokksdónans JR hvert hann sækir innblásturinn í þeim efnum. HHG eyðir hins vegar milljónatugunum sínum aðallega á erlendri grund - þó hvorki í Thailandi né Brasilíu - ekki lengur.

[Jón Ríkharðsson, 13.1.2013 kl. 23:44]

Sæll Óskar minn Helgi. Ekki á ég í neinum deilum við Hilmar frænda þinn, honum þykir hinsvegar gaman að setja athugasemdir á síðuna mína og á meðan hann er þokkalega kurteis, þá leyfist honum það.

Þú hefur væntanlega tekið eftir því, að ég er fyrir löngu hættur að yrða á hann, hann er á eintali og stundum kemur Sveinn R. Pálsson og bakkar hann upp. Ég er á engan hátt þátttakandi í neinum deilum, ég hef um margt annað að hugsa.

[Jón Ríkharðsson, 13.1.2013 kl. 23:51]

Þakka þér vinsamleg orð í minn garð Marteinn. Ég var sjálfur á sömu skoðun og þú, þangað til ég kynntist mönnum af sama sauðahúsi og þeir Hilmar og Sveinn. Ég hef alltaf getað rökrætt við alla sem ég hef hitt til þessa en á netinu kynnist maður mörgum kynlegum kvistinum.

Svo hafa menn líka ólíkan smekk, í mínum huga var slysið á þingvöllum of hræðilegt til að hafa það í flimtingum. Ekki fer á milli mála, að Hilmar segir Bjarna Ben eldri hafa verið "grillaðan á Þingvöllum" og þrátt fyrir vafasamar röksemdir Sveins, þá er varla hægt að tala um að Bjarni Ben. eldri hafi verið sigraður í keppni eða rökræðum á Þingvöllum. Svo var það í athugasemd nr. 14. sem Hilmar segir að sniðugt að grilla mig á Þingvöllum, að "sönnum FLokkssið".

Ég held að ég hefði ekki orðið verri þingmaður en gengur og gerist, en mér finnst meira spennandi að byggja upp unga og efnilega þingmenn og efla flokksstarfið, sem formaður verkalýðsráðsins.

[Sveinn R. Pálsson, 14.1.2013 kl. 00:15]

Afsakið, ég hef ekki áttað mig á að þarna er átt við Bjarna Ben eldri. Þá dreg ég til baka að ég telji þetta ágæta athugasemd, hún er vond að því leiti, en að öðru leiti ágæt.

[Jón Ríkharðsson, 14.1.2013 kl. 02:14]

Jæja Sveinn, þér er þá ekki alls varnað.

[Sveinn R. Pálsson, 14.1.2013 kl. 07:05]

En þú Jón minn, ætlar þú ekki að biðjast afsökunar á þessari atlögu gegn Hilmari? Ekki veitir kaldhæðnisleg athugasemd hans um þennan sorglega atburð, ykkur rétt til þessar ómerkilegu árásar, sem eins og ég hef rakið í fyrri athugasemdum beinist að atvinnu hans og persónu?

[Jón Ríkharðsson, 14.1.2013 kl. 12:07]

Nei Sveinn, ekki sé ég ástæðu til þess enda hef ég eki stundað neina atlögu gegn honum.

Þann 8. janúar skrifaði ég færslu sem átti m.a. að vera skýr skilaboð til hans, að láta ekki sjá sig framar á þessari síðu. Ef hann hefði gert það, þá hefði ég aldrei, hvorki nefnt hann á nafn á þessari síðu né hugsað um hann. Hilmar hinsvegar valdi það, að mæta og halda áfram að tjá sig.

Þá lokaði ég á hann, en það dugði ekki til, nú hef ég ekki tölurnar á þeim ip tölum honum tengdar, sem ég hef lokað á en það dugar ekki. Hafi ég viljað vega að hans persónu og hans starfi, þá hefði ég að sjálfsögðu haft samband við DV, en Reyni Traustason kannast ég ágætlega við, ég var á bát sem hann gerði út fyrir mörgum árum þannig að ég hefði getað sagt honum frá málinu þú veist að DV hefur gaman af að fjalla um svona mál.

Ég man eftir því að Óskar vinur okkar Helgi lokaði á þig um tíma, þú virtir það. Ef Hilmar hefði skilið færsluna frá 8. janúar rétt, þá hefði hann hætt að kommentera og þetta mál hefði endað þann dag. Ég og þú höfum tekist á, á þessari síðu. Þú hefur verið kurteis, þótt ég hafi ekki skilið þína afstöðu, ekki hef ég lokað á þig og það stednur ekki til.

Ég er alltaf tilbúinn til að biðjast afsökunar, sé tilefni til og mér finnst það ekkert mál. En það er engin ástæða fyrir mig að biðja Hilmar Hafsteinsson afsökunar á neinu, ég yrði sáttur ef hann hætti að láta sjá sig og ég mun ekki gera neitt til að skaða hann eða vega að hans starfsheiðri. Hann gerir það reyndar sjálfur því mörgum þykir hneykslanlegt að kennari tjái sig með þessum hætti, me´r finnst það líka.

[Pétur 14.1.2013 kl. 18:05]

Það er alltaf skemmtilegt þegar kjölturakkar kratanna eins og þessi Bassi blámaður viðra sín skítugu nærföt á almannafæri. Það leynir sér ekki, að hann veit fullvel, að helferðar- og landráðastjórn Jóhönnu er að falli komin og honum gremst það. Í staðinn fyrir að sætta sig við að ríkisstjórnarómyndin uppsker eins og hún sáði (þeas. ekkert), þá veður þessi Bassi blámaður í flokksbundna Sjálfstæðismenn af því að það hefur sú sem heldur í hálsólina hans alltaf gert. Pólítískur vanþroski Bassa blámanns er ekkert grátlegur, en bara fyndinn.

The most ridiculous people on Earth are those who are both ignorant and desperate at the same time.

[Jón Ríkharðsson, 14.1.2013 kl. 23:17]

Pétur, hann Hilmar er í sérstöku uppáhaldi hjá mér um þessar mundir. Ég get ekki annað en glaðst yfir því að eiga svona einlægan aðdáanda.

Í síðustu athugasemdum gerir hann lítið annað en endurrita eftir mig, hann kallar sig "Bassa blámann" og ef ég kíki í stjórnborðið tl að fá upplýsingar um hann, þá sé ég netfangið hans, þetta nýjasta og það er [e-mail].

Hann er smátt og smátt að breytast í mig, farinn að skrifa eins og ég, að mestu leiti, en vitanlega streitist hann á móti þessari persónuleikabreytingu og kemur með smá skammir inn á milli.

Ég hélt að það væru bara stórstjörnur á borð við Elvis Presley sem fengu svo eldheita aðdáendur, sem vildu breytast í þær, en greinilega hef ég vanmetið mig að þessu leiti.

[Bassi blámaður 15.1.2013 kl. 10:24]

Mikið er nú gott að vita að ég er í sérstöku uppáhaldi hjá þér Jón minn!

Ég get nú ekki heldur varist því að sýna svona villuráfandi verkalýðshetju og FLokksdóna örlitla samúð. Maður sem hefur verið heilaþveginn af kynlífsferðamanninum Hannesi Hólmsteini Gissurarsyni á vissulega langa sjóleið fyrir höndum í lífinu.

Og svo verð ég auðvitað að nota tækifærið og óska þér til hamingju með leiðtoganámskeið "Verkalýðsskóla Sjálfstæðisflokksins". Mikið getur þú nú verið stolltur formaður verkalýðsráðs FLokksins Jón minn!

Þegar maður rennir yfir fyrirlesara FLokksins má sjá að öllu er til tjaldað:

1. Óli Björn Kárason með vandað erindi um tjáningu í drukknu máli.

2. Björn Gíslason, Babú, með eldfimt erindi um fræðimennsku og fundarafglöp.

3. Elín Hrist (og skekin) með femíniskar fabulasjónir um framkomu í forstjóraherbergjum.

4. Ásgrímur Hermannsson, stuttbuxnastrákur, með fésbókaryfirlit á ungbarnamáli.

5. Marta Guðjónsdóttir, varaborg, með óskipulag og fjárhagsáætlanir FLokksins.

6. Guðlaugur grillaði Þórðarson með áhugavert erindi um að gerast mútuþegi.

7. Vestfjarðagoðinn Stjáni blái með skipulag LÍÚ-FLokksins.

8. Þórlindur Kjartansson með uppbyggingu Landsdóms.

9. Dr. Guðni Tarzan Jóhannsesson með úrklippuerindi um drauga og afturgöngur í þjóðsögum.

10. Jón Björn Bragason með hegðun og framkomu á öldurhúsum.

11. N1 formaður FLokksins, Bjarni Benediktsson, reynir (N1-sinni) að máta sig í hlutverk leiðtogans.

Spurning hvort þið ættuð ekki að bjóða þátttakendum kr. 5000 fyrir fundarsetuna og áfallahjálp í lokin Jón minn? :D

[Marteinn Sigurþór Arilíusson, 15.1.2013 kl. 11:11]

Þú þarna bassi blámaður leitaðu þér hjálpar í einum grænum.Þú ert alveg helsjúkur í sálinni þinni.