Örnámskeið í almennum rökræðum.

Óhætt er að fullyrða að rökræður eru ekki sterkasta hlið vinstri manna og þá sérstaklega þeirra sem virkastir eru í athugasemdum.

En það geta allir lært og nú skal gerð tilraun til að sýna hvernig er best að rökræða.

Vitanlega væri einfaldast að segja að nauðsynlegt sé að koma með rök í rökræðum, en margir vita ekki hvað hugtakið merkir. Nú skal komið með dæmi.

Þessi ágæti hópur segir að Davíð Oddsson sitji í Hádegismóum og falsi söguna.

Þetta er löggilt sjónarmið eins og hvað annað, en vilji menn sannfæra aðra um sannleiksgildi þess að Davíð falsi söguna, þá þarf að koma með dæmi. Annars trúir enginn viðkomandi, nema að sá viti ekki heldur um mikilvægi raka.

Nú skal komið með eitt dæmi um fullyrðingu varðandi sögufölsun, sem er síðan rökstudd.

Stefán Ólafsson skrökvar með því að segja í pistli að frjálshyggjumenn hafi viljað halda í þrælahald því það sé réttur þrælahaldaranna. Ég segji "skrökva" vegna þess að hæpið er að hægt sé að ákveðnir einstaklingar geti falsað söguna, sagnfræðingar framtíðar nota væntanlega fleiri heimildir en skrif nokkurra manna sem vitað er hvaða skoðanir þeir höfðu á pólitík.

Nærtækustu rökin gegn þessari fullyrðingu er að benda á að sá sem barðist hvað harðast gegn þrælahaldi í Ameríku hét Abraham Lincoln og hann var Rebúblikani. Svo er hægt að koma með fleiri rök, sem eru meira sannfærandi með því að segja að frjálshyggjan boði frelsi osfrv., reyndar dugar það ekki til því vinstri menn taka engum rökum. En maður hefur þó meiri reisn á eftir, því órökstuddar fullyrðingar eru svo hallærislegar.

Markmiðið með þessu örnámskeiði er að lesendur mínir fari að rökstyðja sitt mál til að hægt sé að rökræða við þá. Mig langar svo svakalega mikið að finna einn vinstri mann sem notar rök og ég er bjartsýnn að eðlisfari.

Athugasemdir

[Gunnar Heiðarsson, 21.3.2013 kl. 19:29]

Þú gætir þurft að bíða lengi Jón og hætt við að bjartsýni þín á þessu sviði verði farin að fölna verulega.

[Elle_, 21.3.2013 kl. 21:49]

Auðvitað eru rökfastir vinstrimenn.  Hinir háværu bara lemja á þeim og valta yfir þá.  Eins og sjá má í sögunni um hina rangnefndu 'villiketti' af byljandi tunnu nokkurri, yfir vinstrimenn með hugsjónir.

[Jón Ríkharðsson, 21.3.2013 kl. 23:47]

Gunnar minn, þetta var skrifað meira í gríni en alvöru eins og ég tel að þú áttir þig á.

[stefan benediktsson 21.3.2013 kl. 23:49]

Sá sem barðist harðast gegn þrælahaldi hét Thaddeus Stevens en ekki A. Lincoln.Og repúblikanar fyrir 140 árum eiga ekkert skilt við þann flokk sem Reagan og Bushfeðgar eyðilögðu. Stevens var áhrifamesti þingmaður sinnar samtíðar.

[Jón Ríkharðsson, 21.3.2013 kl. 23:50]

Þeir eru ekki mjög áberandi í umræðunni Elle, en ég veit að þeir eru til. Aldrei mæta þeir í athugasemdarkerfið hjá mér, svo mikið er víst.

Hingað mæta bara besserwissarnir úr röðum vinstri manna og fá útrás fyrir reiðina. Oftast leyfi ég þeim það óátalið, en stundum er ég í skapi til að þvarga og þá geri ég það.

Þessi síða lýtur mínum duttlungum og það er gott, því ég er sérvitur og hef þörf fyrir að láta sérviskuna njóta sín.

[Jóhann Kristinsson, 22.3.2013 kl. 14:27]

Thaddeus Stevens var foringi radical repúblikana vængsins á þingi (House of Representatives) og var harður baráttumaður gegn þrælahaldi og hafði mikið um það að segja að the Thirteenth Ammendmend to the Contitution of the United States of America komst í gegnum þingið. Thaddeus á mikinn heiður skilinn fyrir það.

En ættli það sé ekki Presitent Abraham Lincoln repúblíkani sem hafi verið mikil driffjöður í að koma þessu í gegn.

Ef Old Abe hefði ekki viljað afnema þrælahald þá hefði hann set veto á þetta allt saman og ekkert hefði orðið af þessu af því að þingið hafði ekki nógu mörg atkvæði til að gera veto að engu.

Þannig að við skulum leyfa Old Abe að eiga heiðurinn af þessu afnámi þrælahalds eins og sagan hefur skráð þetta.

Kveðja frá Houston

[Jón Ríkharðsson, 22.3.2013 kl. 17:31]

Já Jóhann, við skulum leyfa Abraham að eiga heiðurinn. Það vita allir, sem hafa kynnt sér frjálshyggju að hún fordæmir þrælahald eins og alla skerðingu á frelsi fólks.