Kveðja til AMX, frá Vilhjálmi Þorsteinssyni.

Vilhjálmur Þorsteinsson gjaldkeri Samfylkingar bað mig fyrir kveðju til AMX og er henni hér með komið til skila.

Fúslega skal ég viðurkenna að beiðnin kom mér á óvart, því ekki þekki ég stjórnanda AMX, hef ekki einu sinni séð honum bregða fyrir. En stundum les ég vefinn og er ekki einn um það. Ég nefndi þetta við góðan vin sem hefur ljósmyndaminni og hann taldi strax að hugsanlega væri þetta kaldhæðni hjá Vilhjálmi, honum væri ekkert sérstaklega vel við AMX. Smáfuglarnir voru eitthvað að agnúast út í grein sem Vilhjálmur skrifaði árið 1987.

Í þeirri grein óttaðist Vilhjálmur afleiðingar þess að lögleiða bjór á Íslandi og varaði við því.

Eftir að hafa lesið greinina var ekki annað hægt en hafa talverða samúð með gjaldkera Samfylkingar. Hann hefur verið mjög óheppinn með sannfæringar en verið ódeigur að halda þeim á lofti. Og þegar menn hafa oftast vitlaust fyrir sér en hætta ekki að boða sannfæringar á skjön við veruleikann, þá er það orðið svart.

Kommentið sem innihélt kveðjuna til AMX er ágætt dæmi um ranga sannfæringu sem studd er með vísindalegum rökum, en það er á þessa leið:"Ég hef hvorki séð þig játa né neita því að þú fáir línuna senda annarsstaðar frá Jón Ragnar. Hef sjálfur lýst yfir efasemdum um að þú sért að lesa sjö ára gamlar skýrslur í rúminu á kvöldin eða úti á sjó. Rakhnífur Occams segir mér að líklegri skýring sé að einhver annar sé að fóðra þig á efninu. Svo bið ég að heilsa AMX."

Vilhjálmur hefur verið mjög sannfærður um að einhver annar fái mig til að skrifa. Eitthvað er pilturinn orðinn stressaður því ég hef hvorki játað því né neitað, þrátt fyrir ítrekaðar fyrirspurnir frá hans hendi. Ástæðan er einföld, ef maður þrætir við kjána þá verður maður kjáni sjálfur. En það er ekkert athugavert við að skrifa um og vekja athygli á kjánalegum og kynlegum kvistum, slíkt er sígild þjóðleg skemmtun.

Það eru takmörk fyrir því hverju maður nennir að svara fyrir og þrátt fyrir að ég svari flestu, þá finnst mér þessi ásökun of vitlaus og vonandi er Vilhjálmur einn um þessa skoðun.

Svo má ekki gleyma fleiri vitlausum sannfæringum, hann taldi það heillavænlegast fyrir okkur að borga Icesave kröfuna svo taldi hann það lífsnauðsyn fyrir þjóðina að nota tillögur stjórnlagaráðs til að búa til nýja stjórnarskrá.

Kvenskörungurinn Ragnhildur vinkona mín Kolka hefur ekki farið varhluta af vitlausum sannfæringum gjaldkerans. Eftir mikla yfirlegu og vandlega íhugun hefur hann komist að því að hún sé nú raunverulega til, drengurinn kíkti í þjóðskrá og sá að á Íslandi byggi kona með þessu nafni. En honum þykir líklegt að Skafti Harðarson misnoti nafnið hennar Ragnhildar til að koma sínum sjónarmiðum á framfæri.

Þótt menn séu ekki sammála Skafta, þá þarf ekki að efast um að hann ritar allt undir sínu nafni. En hvað með Ragnhildi?

Jú, honum finnast stílbrögðin benda til að fleiri skrifi undir þessu nafni, en gleymir að googla hana. Þá kæmi nefnilega í ljós að hún er bókmenntafræðingur og það eitt og sér segir að hún hefur vald á mörgum stílbrögðum, auk þess að vera frábær penni frá náttúrunnar hendi. 

Svo er hægt að nefna fleiri rangar sannfæringar hjá piltinum, hann er sannfærður um að Jóhanna Sigurðardóttir hafi staðið sig svo vel sem forsætisráðherra að enginn hafi gert það betur.

Hafandi haldið fram röngum sannfæringum áratugum saman, sú elsta síðan 1987, þá er auðvelt að efast um dómgreindina hans.

Og ef það er rétt sem einn fótgönguliði Samfylkingar hefur haldið fram, að flokkurinn þiggi hans ráð, þá má einnig efast um að Samfylkingin hafi næmt pólitískt nef.

Raunar kom það í ljós í vor. 

 

Athugasemdir

[Sandkassinn 4.9.2013 kl. 17:41]

Snilldarpistill :)

[Jón Ríkharðsson, 4.9.2013 kl. 18:55]

Takk kæri vinur:)

[Jón Steinar Ragnarsson, 5.9.2013 kl. 02:07]

Góð ádrepa.  Maður hálf aumkast yfir drenginn.  Hann er búinn að vera í flokkstarfi samfylkigarinnar síðan skömmu eftir fermingu og fékk embætti þar 16 eða 17 ára að mig minnir.

Hann vantaði félagsskap og tók þetta líka ranga ákvörðun um það. Hann hefði betur farið í Lions eða Kiwanis og planað ljósaperusölur.  Þar væri hann örugglega sáttari með sjálfan sig enda fá tækifæri til að gera í brók þar. En maður veit aldrei með Vilhjálm. Sumt er mönnum áskapað.

hryllingurinn í þessu öllu er að hann getur ekki skipt um skoðun þegar hann jefur einusinni tekið hana né kann hann að hafa rangt fyrir sér, sem er óheppilegt fyrir mann sem virðist ekki geta annað. 

Ég bíð spenntur eftir næsta giggi frá honum.  

[Jón Ríkharðsson, 5.9.2013 kl. 09:34]

Það væri sálarlaus maður nafni, sem ekki hefði örlitla samúð með honum, hann er svo svakalega klaufalegur aumingja strákurinn.

En á meðan hann gegnir mikilvægu embætti í viðurkenndum stjórnmálaflokki sem hefur fulltrúa á þingi og sveitastjórnum um land allt, þá þýðir ekkert annað en benda á hvernig hann er.

[Kristjan Erl 5.9.2013 kl. 12:00]

flottur pistill Jón. Drengurinn er með banal skoðanir sem merkilegt nokk er hlustað á af fjölda af óshérhlífnum sósíaldemókratískum kverúlöntum.

[Jón Ríkharðsson, 5.9.2013 kl. 15:31]

Takk fyrir það Kristján, hann er svolítið spes strákurinn og eflaust ekki heppilegt fyrir Samfylkinguna að hafa hann mikið í ráðgjafastörfum.