Skæruliðaforinginn Steingrímur Joð og dátinn Björn.

Foringinn í skæruhernaði andstæðinga lýðveldisins ásamt sínum hundtrygga dáta Birni Val, hafa farið mikinn eftir að Alain nokkur, mikill sérfræðingur í ESB lögum kom með rök sem gætu gagnast okkur.Þessir herskáu skæruliðar berjast af miklum eldmóði og hætta ekki fyrr, en þjóðin stoppar þá, eða þeir falla að lokum vegna harðra skota rökfastra þjóðvarðliða.

Dátinn vaski skaut í myrkri er hann sagði ríkisstjórn Geirs H. Haarde hafa lofað ríkisábyrgð. Hvernig dettur manninum í hug að segja svona bull, nýbúinn að verja nótt við dag í lagasetningu er varðar ríkisábyrgð. Hafi hann haft rétt fyrir sér, þá var öll hans vinna óþörf. Nóg hefði verið að senda Jóhönnu eða Steingrím Joð til viðsemjenda okkar til að kvitta undir. 

Hverslags þvaður er þetta í kalluglunni, auðvitað vita Bretar og hollendingar, að orð ráðamanna er ekki nóg til að veita ríkisábyrgð á einu eða neinu, þessi orð eru dauð og marklaus.

En skæruliðaforinginn telur sig vera að gera góða hluti. Hann er að sliga okkur með norrænu velferðinni sinni, hann heldur að norræn velferðarkerfi snúist um það eitt að snarhækka skatta og þjálfa heila landsmanna með auknu flækjustigi skattkerfisins, mér er reyndar vorkunn að skilja þetta ekki, því ég er ekki vinstri maður. Þeim gengur betur að skilgreina þvaður sem sannleika, heldur en mér.

Svo er skjaldborgin þeirra líka að fara með okkur, þeir hækka gjöld á allt sem þeir geta og hækka afborganir af lánunum okkar.

Ef einhver kýs vinstri flokkanna í framtíðinni, þá er heilafruma þess einstaklings heppin. Hún getur dansað frjáls og glöð í tómarúmi höfuðkúpunnar.

Athugasemdir

[Hólmfríður Bjarnadóttir, 12.1.2010 kl. 01:39]

Vil benda þér og öðrum á að lesa grein Jóns Baldvins Hannibalssonar SOS á http://silfuregils.eyjan.is/ 

Hún svara vangaveltum þínum og annarra um misræmi í málfluttningi milli Steingríms J og Björs Vals annarsvegar og Alian.

[Óttar Guðlaugsson, 12.1.2010 kl. 02:22]

Það eru ekki margir sem muna það að 1982-3 fór verðbólgan yfir 100%.Þá var Alþiðubandalagið við stjórnvölin og gott ef Svavar Gestsson var ekki fjármálaráðherra

[Jón Ríkharðsson, 12.1.2010 kl. 12:27]

Komiði sæl bæði tvö, Óttarr og Hólmfríður.

Hólmfríður, ég er búinn að lesa grein Jóns Baldvins, en hún breytir engu minni skoðun. Við Íslendingar eigum að verja okkar málstað. Ef ég á að velja á milli Jóns Baldvins og Alain Lipietz, þá trúi ég Alain frekar. Alain sagði m.a. að við hefðum engar skuldbindingar gagnvart Bretum og hollendingum samkvæmt reglum sem hann þekkir betur en Jón Baldvin. Alain nefnilega hefur meiri reynslu af starfi innan ESB, hafandi verið þingmaður á Evrópuþingi og unnið við lagasetningar á þeim vettvangi. Einnig sagði Alain, að Íslendingar væru ekki ábyrgir, þótt þeir hefðu sett neyðarlögin og greitt íslenskar innistæður. Hann benti á, að allir viðskiptamenn banka á íslandi hefðu fengið greitt, óháð þjóðerni. Einnig hefur EFTa viðurkennt neyðarlögin, í ljósi aðstæðna sem sköpuðust 2008. Eftirliti var vissulega beitt af hálfu FME, en eftir á að hyggja var það ekki nógu gott. Sama var að segja um önnur lönd, eftirlitskerfi heimsins brást, því fór sem fór. Ég skil ekki af hverju Íslensk kona eins og þ, heldur ekki frekar á lofti rökum sem styðja málstað okkar, þau hafa komið frá mörgum sérfræðingum fjölda þjóða.

Óttarr, við vitum það báðir sem sannir sjálfsæðismenn, að vinstri menn hafa aldrei getað stjórnað svo vel sé.