Þvaðrið um hrunið.

Mér finnst það ósköp notalegt úti á sjó, að blaða í tímaritum áður en ég sofna. Af þeim sökum hef ég safn hinna ýmsu tímarita í skúffunni fyrir neðan kojuna mína og kennir þar ýmissa grasa.

Ég var að glugga í Frjálsri verslun frá seinni hluta árs 2006 og þar var verið að fjalla um útrásarvíkinganna okkar.

Breskir fjölmiðlar kváðu Jón Ásgeir einn mesta áhrifamanninn í tískuheiminum og Bretarnir voru ósköp glaðir með hann, einnig voru Bretar þesstíma mjög hrifnir af Björgólfi og Eggerti þegar þeir keyptu West Ham liðið. Heimurinn átti vart orð til að lýsa hrifningu sinni á íslensku viðskiptamönnunum.

Eitthvað var í öðru blaði frá þesum tíma fjallað um dóm frænda okkar í Danmörku og fannst mörgum þar ytra vera æði sterkt til orða tekið.

Matsfyrirtæki voru ekki alveg á einu máli, en flestir töldu íslensku bankanna vera gífurlega öfluga.

Þetta sagði í samtímaheimildum, en samt hampaði Egill Helgason mjög útlendum vini sínum, sem státar af mikilli menntun og sá sagði að allur heimurinn hafi vitað hvernig málin stóðu, strax árið 2006.

Heimurinn hefur þá verið æði þögull um þesa vitneskju sína, en staðreyndin er sú enn og aftur, það hafði enginn hugmynd um að allt myndi hrynja.

Þetta kom eins og þruma úr heiðskýru lofti, hagkerfi heimsins hrundi á einu bretti og vitanlega sluppu íslendingar ekki með skrekkinn.

Við vorum jú í tómri þvælu, eins og heimurinn allur.

 

Athugasemdir

[Lúðvík Júlíusson, 8.5.2011 kl. 01:30]

Það voru nú margar hagfræðikenningar sem spáðu hruni eða samdrætti en fáar gerðu sér grein fyrir því hversu miklir glæpir tengdust hagsveiflunni í þetta skipti.

Þessar hagfræðikenningar hafa líklega aldrei náð vinsældum vegna þess að þær lofa ekki fylgismönnum sínum efnahagslegum kraftaverkum.

Peningakerfið í dag sem er að mestu byggt á kenningum Schumpeters byggist á hagsveiflum, þar sem góðæri og kreppur verða með reglulegu millibili.  Hann sagði meðal annars að kreppur væru nauðsynlegar hagvexti, þess vegna hafa menn kannski hætt að líta á kreppur sem eitthvað slæmt.

.. ég get verið sammála þér í því að það getur verið sérstakt að rekast á gömul tímarit og dagblöð frá þessum tímum.

[Jón Ríkharðsson, 8.5.2011 kl. 11:28]

Það er rétt hjá þér Lúðvík, ég minnist þess á árunum fyrir hrun, þá voru hagfræðingar með áhyggjur af yfirvofandi kreppu sökum gífurlegs magns af ódýru lánsfé.

Svo heyrði maður aðra hagfræðinga sem héldu því fram, að fjármálakerfið væri orðið svo þróað og að menn hefðu lært svo mikið af kreppunni árið 1929.

Svo þegar kreppan skall á árið 2008, þá sagði bróðir minn mér, en hann hefur alla tíð unnið í banka og starfar sem útibússtjóri, að núverandi kreppa væri að mörgu leiti dýpri en sú sem varð árið 1929.

Velferðarkerfin og margt annað er orðið svo mikið þróaðra í dag, þannig að fólk finnur ekki eins mikið fyrir kreppunni í dag og hinni fyrri.

Ég held að margt eigi eftir að koma upp á yfirborðið varðandi þá glæpsamlegu starfsemi sem átti sér stað í bönkunum fyrir hrun.

[Anna Sigríður Guðmundsdóttir, 8.5.2011 kl. 16:50]

Athyglisvert fyrir alla.

 Nú er bara að bjarga sér með hyggjuvitinu, og fyrri reynslu af að hlusta á fjölmiðla-mafíu heimsins á undanförnum árum og áratugum. Sem einungis hafa blekkt og ginnt almenning heimsins til að hlaða undir spillta svikahópa!

 Það er skylda hvers manns að gera sitt besta til að bjarga lífi sínu og sinna, og nýta það sem er lögum samkvæmt þjóðarréttur til þess. Veiða meiri fisk, sem aldrei hefur verið meira framboð af. Fiskifræðingunum er líka stjórnað af AGS á bak við tjöldin! Það verður að grisja í hafinu eins og í skógunum!

 AGS, ESB og fleiri álíka glæpa-"vitringar" munu aldrei ráðleggja Íslendingum né nokkrum öðrum í þessum heimi að standa með réttlætinu og lögunum í þágu almennings í heiminum. Innst inni vita þetta flestir, en þora ekki að standa og falla með þeirri vitneskju, af ótta við eitthvað, sem ég skil ekki að sé verra en að afneita staðreyndum?

 Það er AGS og ESB sérfræðinganna sérsvið að blekkja almenning í heiminum, til að halda svikunum áfram! Svo er fólki talin trú um að dauðinn sé verri, en óbærilegt líf á jörðinni vegna óréttlætis og svika? Þvílík fjarstæða!

 M.b.kv.

[Jón Ríkharðsson, 8.5.2011 kl. 17:06]

Þetta er gott innlegg hjá þér Anna Sigríður, sérstaklega með fiskveiðarnar.

Nú er það orðið þannig, að skipstjórar eru dauðhræddir við að kasta trolli, vegna þess að það kemur svo mikið af karfa og þorski upp.

Það væri hægt að troðfylla skipin á örfáum dögum af þorski og karfa, en það er víst bannað samkvæmt lögum.

Þorskurinn er líkur mannskepnunni að því leiti, að hann fer eitthvað annað þegar lítið er um æti. Fiskimiðin við Ísland hafa takmarkað æti og geta ekki borið mjög stóra stofna til lengdar, þannig að spurningin er sú, viljum við veiða hann meðan hann er til staðar hér við land, eða bíða eftir að hann færi sig til Grænlands eða í Barentshafið?

Aflatakmarkanir síðustu ára hafa kostað okkur hundruði milljarða lágmark, það er kominn tími til að hugsa þessi mál frá grunni.

[Anna Sigríður Guðmundsdóttir, 8.5.2011 kl. 20:54]

Jón. Við hvað eru heiðarlegir sjómenn og útgerðir hræddir?

 Í raun er þeirra stærsta ógn, óttinn við að standa með heilbrigðu sjálfsbjargar-viðleitnis fiskiríi við Íslands-strendur, sem er þeirra réttur samkvæmt lögum Íslands?

 Og óttinn byggist á því að Íslenskir sjómenn megi ekki nýta veiðimiðin við Íslands-strendur fyrir Íslendinga í kreppu og neyð, vegna hótana Hafró-LÍÚ-ESB-AGS-mafíunnar?

 Er þá ekki eins gott að afskrifa landhelgina og sleppa þarmeð við þjófa-hyski LÍÚ-Hafró og svo framvegis, sem hér ætlar allt lifandi að drepa með AGS-ESB-fjarstýrðum aftökum á almenningi í stórum stíl út á þessa svokölluðu gervi-rányrkja-landhelgi Íslands, sem Íslendingar hafa ekkert um að segja?

 Þá erum við laus við allt þetta svika-lið og getum endanlega farið að lifa eins og normal þjóð? Á ferðaþjónustu t.d.  ???

 Látum bara landhelgina fara með þeim sem rændu henni? Við eigum hvort eð er ekki að fá neitt nema greiðslurnar á tapinu? Taki þeir þetta þá bara með LÍÚ-mafíunni og restinni af bankamafíu-svikurum AGS og ESB? Farið hefur fé betra, í landi sem ekki fær einu sinni að halda marg-borguðu húsnæði á norðurhjara veraldar, þar sem enginn getur lifað kuldann af án húsnæðis og matar! 

 Hef ég rangt fyrir mér?

 Ég skil nefnilega engan veginn hvers virði Íslensk landhelgi er fyrir Íslendinga, þegar fólk sem stritað hefur við þessa atvinnugrein í áratugi, er rænt öllu sem þeir hafa unnið fyrir? LÍÚ sér um milligönguna við baka-heims-mafíuna og fær eflaust vel greitt fyrir þau landráða-svik!

 Ég þarf hreinlega rök og kennslu í þannig laga-réttlætingu heims-háskólanna, að ræna megi öllu frá einni þjóð, án alþjóða-dómsstóls, réttar og laga, sem eiga að tryggja öllum réttlæti samkvæmt lögum?

 Fyrirgefðu mér, en ég er bara ekki betur menntuð eða gefin en svo, að ég þarf skýringu á Íslands-ráninu, til að skilja svika-dómstóla-réttlætingu þess ráns.

 M.b.kv.