Góð grein hjá Ragnheiði Elínu.

Satt að segja, þá hef ég  undrast þá einkennilegu áráttu kjörinna fulltrúa Sjálfstæðisflokksins að fara með það eins og mannsmorð, að Sjálfstæðisflokkurinn hafi staðið fyrir flestu því besta sem íslendingar hafa státað sig af.

Ragnheiður segir frá því, að frumkvæðið að viðurkenningunni á sjálfstæði Litháens hafi komið frá Sjálfstæðisflokknum en Jón Baldvin hafi hrósað sér fyrir það.

Ég hvet alla til að lesa þessa góðu grein, þar sem útskýrt er vandlega ferill málsins.

Það er jákvætt að þingmenn Sjálfstæðisflokksins eru að aflétta leyndinni af góðum verkum Sjálfstæðisfloksins, það þarf ekkert að skammast sín fyrir að hafa staðið fyrir eða tekið þátt í öllum mikilvægustu framförum lýðveldistímans.

Ég hef aðeins verið að rjúfa þöginina um ýmislegt jákvætt í störfum sjálfstæðismanna, ásamt fleirum úr hópi almennra flokksmanna og það ber að fagna því, að þingmenn eru farnir að gera það líka.

Svo þarf að drífa sig í að kynna stefnu flokksins, því hún á ekki að vera trúnaðarmál og vinna stórsigur í næstu kosningum.

Athugasemdir

[Stefán Júlíusson 18.9.2011 kl. 01:40]

hvernig get ég lesið þessa grein?

[Adda Þorbjörg Sigurjónsdóttir, 18.9.2011 kl. 07:21]

Sammála, hún var alveg til fyrirmyndar, vel orðuð og ekki laust við að stykki á mann bros. Ótrúlegt valmynni hjá vinstri mönnum þeir vilja gjarnan egna sér góðu málin og eigna okkur ovinsælu málin þeirra s.s. framsal aflaheimilda. Verst að kjósendur þeirra trúa þeim undanbragðalaust.

[Brattur, 18.9.2011 kl. 10:37]

Sjálfstæðismenn geta líka státað sig af því að hafa komið þjóðinni á hausinn... ekki svo lítið afrek það...

[Kristinn Karl Brynjarsson, 18.9.2011 kl. 11:29]

Hér er greinin sem Jón vitnar í:

http://www.xd.is/i-brennidepli/frettir/nr/1116

[Jón Ríkharðsson, 18.9.2011 kl. 12:30]

Kalli reddaði því fyrir okkur Stefán minn, ég er óttalegur steinaldarmaður varðandi allar tilvísanir.

Ragnheiður vitnar í heimildir og rökstyður sitt mál með ágætum.

[Jón Ríkharðsson, 18.9.2011 kl. 12:33]

Sammála þér Adda mín, greinin var til fyrirmyndar og það er vonandi að forystan okkar haldi áfram að verja flokkinn.

Valmynni vinstri flokkanna er senilega tilkomið vegna þess, að sjálfstæðismenn hafa ekki varið sig fram til þessa.

[Jón Ríkharðsson, 18.9.2011 kl. 12:40]

Þetta er vissulega löggilt sjónrmið hjá þér Brattur, því sérviskulegar skoðanir eru sem betur fer ekki bannaðar með lögum.

Sumir halda því fram, eins og þú, að Ísland sé gjaldþrota, Seðlabankinn sé gjaldþrota osfrv.

Það er líka til hópur af fólki í USA sem trúir því að jörðin sé flöt og það er allt í lagi.

En við sem erum gefin fyrir staðreyndir gerum okkur grein fyrir því, að sjálfstæðismenn voru aldrei einir í stjórn, þnnig að ekki er möguleiki á að þeir beri einir ábyrgðina. Svo er það líka vitað, að Ísland fór aldrei á hausinn, heldur á hliðina eins og það er kallað.

Það er þónokkur munur á því Brattur minn, en þú skalt samt ekkert vera að hengja þig á staðreyndir, þær henta ekki öllum.

[Jón Ríkharðsson, 18.9.2011 kl. 12:40]

Takk Kalli minn.

[Jón Valur Jensson, 18.9.2011 kl. 12:42]

Já, nafni, þetta var mjög góð og tímabær grein hjá Ragnheiði Elínu.

Á birtingartíma hennar var frúin hins vegar á kafi í afar slæmu máli.

Sjá um það staðgöngumæðrunarmál HÉR!