Leggja ber niður Landsdóm.

Sá svarti blettur sem fallið hefur á íslenska stjórnmálasögu, þegar lagt var af stað með ákæru á hendur Geir H. Haarde ætti að vera tilefni til að leggja fram frumvarp þess efnis að leggja Landsdóm niður.

Þeir sem fylgst hafa með pólitík vita, að stjórnmálamenn ganga ansi langt í því að niðurlægja sína andstæðinga, pólitík er í eðli sínu blóðug barátta og sumir svífast einskis í þeirri baráttu.

Augljóst er að með því að hafa núverandi fyrirkomulag áfram, þá er verið að bjóða upp á endalaust þvarg á þingi sem engu öðru skilar en óþægindum fyrir Geir H. Haarde og jafnvel munu sjálfstæðismenn í reiði sinn leggja til að Jóhanna og Steingrímur verði ákærð einnig.

Þau hafa sér litlar málsbætur varðandi einkavæðingu bankanna til óþekktra aðila, hátt í tvöhundruð milljarða tilgangslaus fjárútlát sem runnu í fallnar fjármálastofnanir og tryggingafélag, svo ekki sé talað um vinnubrögðin í Icesave málinu. Hafi fyrrverandi ríkisstjórn gersat sek um refsiverð afglöp, þá gildir það sama um þá sem nú situr.

Þingmenn eiga ekki að rannsaka verk hvorki pólitískra andstæðinga né samherja, þeir eru einfaldlega vanhæfir til þess af eðlilegum ástæðum.

Það er hlutverk alþingis að finna út réttu leiðina til þess að fá úr því skorið, hvort ráðherra hafi gerst brotlegur við lög.

En alvitlausasta leiðin er vitaskuld sú, að láta ákæranda sjá um rannsókn málsins. Sá sem að ákærir er oftast sannfærður um sekt þess sem hann ákærir eða telur sínum hagsmunum best borgið ef sektin er sönnuð.

Vönduð rannsókn fer þannig fram, að sá sem tekur að sér verkið hefur engar skoðanir á sekt eða sakleysi, heldur metur fyrirliggjandi gögn með óháðum og yfirveguðum hætti.

Athugasemdir

[Kristján B Kristinsson 20.1.2012 kl. 14:47]

Þetta er hárrétt hjá þér Jón, Landsdómur er greininlega hættulegt tæki í höndum þeirra sem ekki kunna með valdið að fara. Samspillingar skríllinn sem ég vil kalla þá þingmenn sem greiddu því athvæði að sumir skyldu ákærðir en ekki allir sérstaklega samflokksfólk settust í dómarasæti götunnar með því að taka afstöðu til þess hverjir væru sekir og hverjir ekki. það er ljóst að slíkur ákæruvettvangur ætti ekki að vera til vegna þess að það er hægt að misnota hann af illa gerðu stjórnmálafólki eins og landsdómsmálið sannar.

[Jón Ríkharðsson, 20.1.2012 kl. 15:47]

Já Kristján, þetta er rétt hjá þér, Landsdómur er stórhættulegt tæki í höndum stjórnmálamanna.

Það er óhugsandi að ákærandi geti rannsakað mál með viðeigandi hætti, þess vegna er ágætt að slíta þetta í sundur eins og hefð er fyrir.

Ein aðili ákærir, annar aðili ransakar málið svo kemur þriðji aðilinn og dæmir í því.

Í tilfelli Landsdóms, þá er það ákærandi sem rannsakar og svo skpar sami aðilinn saksóknara til að flytja málið og hefur einnig með höndum skipan þess sem dæmir.

Slíkt er vitanlega í hæsta máta óeðlilegt.