Dugnaður verkafólks er drepinn niður.

Vilhjálmur Birgisson verkaýðsleiðtogi á Akranesi segir frá því á Pressunni að til sín hafi leitað fólk sem hefur minni peninga handa á milli ef það vinnur 50% vinnu heldur en að það vinnur ekki neitt.

Verkafólk hefur fleiri krónur í veskinu ef það sleppir því að vinna og þiggur 100% bætur, vitanlega verður þetta til þess að fólk sleppir því að vinna.

Flestir myndu ívilna þesu fólki fyrir dugnaðinn, en ekki þessi ríkisstjórn. Eflaust óttast þau að fátækt verkafólk vinni sig upp og verði kannski að auðmönnum, það getur gerst og hefur oft gerst. Oftast, sem betur fer, hefur vinstri mönum ekki tekist að halda dugmiklu fólki úr verkalýðsstéttinni niðri því einstaklingar úr þessum hópi hafa unið sig upp og jafnvel náð að auðgast umtalsvert, því íslendingar hafa ekki verið hrifnir af vinstri stefnunni og verða það vonandi aldrei.

Ungur fátækur piltur kom frá Danmörku til Íslands á síðari hluta nítjándu aldar. Hann var duglegur og framsýnn, þannig að hann náði sér vel á strik. Í upphafi ferils piltsins voru vinstri flokkarnir ekki til, þannig að hann náði takmarki sínu, að stærstum hluta.

Svo þegar piltur var orðinn verulega ríkur, þá reyndu vinstri flokkarnir allt sem þeir gátu til að knésetja hann, en það tókst ekki jafnvel þótt vinstri menn hafi náð umtalsverðum tekjum af honum í formi óhugnanlegra aðgerða. En þeir reyndu allt sem þeir gátu til að setja hann á hausinn. Drengurinn hét Thor Jensen og munurinn á honum og þeim sem vildu knésetja hann var sá, að hann hjálpaði mörgum með peningum úr eigin vasa, vinstri menn eru mjög höfðinglegir í sinni, þegar þeir eyða peningum skattborgara þessa lands.

Við þurfum stjórn sem hvetur fólk til bjargálna, hjálpar fólki til að vera fjárhagslega sjálfstætt og ef það hefur dugnað og elju til að auðgast, þá ber að fagna því.

En vinstri flokkarnir vilja helst að verkamenn séu alltaf blankir til þess að einhverjir kjósi þá. Þeir hafa litla framtíðarsýn og geta ekki selt neinum stefnuna, enda er hún handónýt. Þeim þykir ægilega gaman að rétta þurfalingum fé úr opinberum sjóðum, kannski fá þau þá þakklæti að launum, jafnvel atkvæði í næstu kosningum.

Það er ódýrara að sjá til þess, að atvinnulausir sem eiga kost á hlutastarfi hafi peninga handa á milli, sem samsvara 100% bótum en að borga fólki alla upphæðina fyrir að vera heima.

En hinsvegar eru vinstri menn meðvitaðir um það, að hætt er við að fólk sem finnur kraftinn innra með sér og hleypir honum út, verði á endanum sjálfstætt og dugmikið fólk, en þá missa þeir atkvæðin þegar fólk vill ekki lengur þiggja af þeim bætur.

Engin stefna hefur farið eins illa með verkalýð þesa lands en sósíalisminn. 

Athugasemdir

[Almenningur 18.7.2012 kl. 18:03]

Eru þessi meindýr ekki þverpólitísk?

http://hafstein.blog.is/blog/hafstein/entry/1245891/

[Jón Ríkharðsson, 18.7.2012 kl. 20:26]

Ekki hef ég seð sjálfstæðismenn reyna að eyðileggja fólk með sama hætti og gert var við Thor Jensen og fyrirtæki hans, en vissulega eru til það sem þú kallar "meindýr" í öllum flokkum.

Það var óheppilegt að koma með þesi hlunnindi sem pistillinn fjallar um, er þú vísaðir til, á tímum þar sem gjáin milli þings og þjóðar breikkar ört.

[Geir 18.7.2012 kl. 23:38]

Þetta heitir á íslensku: Jöfnuður vinstri manna. Allir skulu hafa það jafn skítt.

Láttu mig fá allt þitt en láttu mitt í friði!

Þetta er hin einfalda hugsun og lífsmottó vinstri manna sem íslenska þjóðin þarf að þola þessa dagana .

[Jón Ríkharðsson, 19.7.2012 kl. 10:46]

Sammála þér Geir, þú lýsir íslenskum vinstri mönnum rétt.

Þeir vitna oft til Danmerkur og Svíþjóðar, sjálfur þekki ég ekki vel þar til en mér skilst á þeim sem gera það, að í þeim löndum sé meiri skilningur vinstri manna á nauðsyn þess að fyrirtæki græði.