Afskaplega seinheppin kona, hún Jóhanna.

Það er eins og óheillastjarna svífi yfir Jóhönnu Sigurðardóttur og hennar verkum, eftir að hún varð forsætisráðherra.

En ætli skýringin sé ekki sú, að hún sé bara alltof vinnusöm og dugleg.

Hún vann svo mikið í að efla völd alþingis á kostnað framkvæmdavaldsins, að hún jók völd framkvæmdavaldsins.

Að minnka launamun kynjanna hefur lengi verið hennar baráttumál og hefur hún rætt mikið um að það þurfi að laga.

Svo verður hún forsætisráðherra og vinnur svo mikið í því, að minnka launamun kynjanna, að hann eykst.

Þetta á náttúrulega ekki að vera hægt, en Jóhanna Sigurðardóttir, hún lýtur ekki eðlilegum náttúrulögmálum, svo mikið er víst.

 

Aukinn launamunur kynjanna skelfileg þróun

Athugasemdir

[Kristinn Karl Brynjarsson, 19.9.2011 kl. 21:12]

Ekki má gleyma því að Jóhanna, barðist svo vel og lengi fyrir nýjum jafnréttislögum, að hún braut þau, loksins þegar þó tóku gildi.

[Jón Ríkharðsson, 19.9.2011 kl. 22:24]

Rétt Kalli, við skulum rétt vona, að hún fari ekki að berjast fyrir friði í Miðausturlöndum, þá fyrst byrjar stríðið þar fyrir alvöru.